國慶午餐

今天起身已經成十一點,hea多陣就走咗去九龍灣德福間超市行,未行之前最好食飽啲,唔係就會買咗成堆野返屋企.

都有一段時間冇去星期二露比食,叫咗個mini 漢堡及細拼盤,最後都係食剩一個飽.

跟住就去咗間超市行,之前上西餐堂時師傅話呢間舖比"城市超級"同"大"便宜,我估來估去都唔知呢間係邊個開,行咗一陣先知係牛奶公司的,咁即係"奧利花"的平民版啦,貨種比"歡迎"西化啲,仲有魚生壽司賣.