20091130的晚餐

是日食栗子炆排骨，炒碟菜又一餐。又比老婆玩餐死，今次要一個鐘先煮得完。

乾冬菇及乾草菇先用水浸透後洗淨，浸菇水隔渣備用，排骨用豉油及糖等醃好，栗子又係汆完水後去皮，豆卜切半汆水後洗淨。先用薑片起鑊爆香排骨，贊黃酒後加上湯及浸菇水，加老抽及蠔油，再加入栗子及菇類炆十五分鐘，再加入豆卜多煮十分鐘，最後加麥芽糖調味。

20091129@大澳hea（下）

返轉頭又四維拍照。

咁樣曬柚皮都得．．．

環保燒烤爐。

兩隻小貓。

曬海草．．．

開始有臘味賣啦。

想行去橋個邊，見人多，行返轉頭有出爐沙翁食。

曬蝦米。

之後就行出去舊碼頭個邊。

好多睇海豚船出海。

有出當然有入。

黃昏的海濱路。

小朋友練緊拋魚絲．．．

最後以豆腐花完結是日行程。

20091129@大澳hea（上）

一早六點幾起身見個天好多厚雲，洗完機衫都唔知放唔放出去好．．．

去到球場見個地有積水，但係馬路又唔見有水氹．．．

返到屋企等C小姐，最後十二點入到東涌。

見360排隊都排到天橋，應該仲有前途的．．．

搭車入大澳，行新的東涌道，車程快咗好多，其實應該係啲車比以往新，馬力又大，上大斜完全係力的表現，唔似以前行都快過佢．．．

大澳假日依家攪咗好多表演，吸引好多本地旅行團來玩，不過我就唔好呢啲野啦。

人山人海，是旦搵間店舖醫下肚。

叫咗椒鹽九肚魚及椒鹽鮮魷，加碟金銀蛋白菜仔及一枝啤酒。

食飽就四維行下，先出去廟個邊先。

沿途見好多貓，呢兩隻貓仔好細隻。

大澳最特別都係有啲屋油到成間都係銀色。

烏蠅＆魚。

鹽爆魚肚中，阿嬸叫唔好出鏡。

呢邊少啲人，清靜咗好多。

水退中．．．

上咗去觀景亭，煙霞太大，出面都係海平線一條。

好多人垂釣。

調過都係咁樣，可想而知有個天有幾灰．．．

不過漁村又係另一種味道．．．

待續．．．

20091129的晚餐

玩咗一天，舟車勞頓特別倦，都係整手卷最方便簡單。

20091128的晚餐@沙田

是日早上整完包包就即刻返咗大埔，下午等街市開返就買啲餸出沙田，不過就唔係自己煮啦。

三隻共一斤重的椒鹽斑馬賴尿蝦。梅菜扣肉，隔咗夜特別好食。

剛剛仙遊方利，長過隻鑊，肉夠厚身，仲要好抵食。

超大隻的帶子，片開一半煎，（水蒸氣fog鏡），加一碟清炒豆苗。

加多一枝澳洲莎當尼白酒，四個人飲一枝係唔夠的．．．

上學去（十）

最後一堂包，椰賓及十字包。

20091127的晚餐

今晚去到街市發現咗啲好耐冇見的游水膽固醇。

買咗條返來用椒鹽整。

 

資深廣播人鍾偉明逝世

資深廣播人鍾偉明今日中午乘港鐵返工時，突然暈倒，送院後不治，終年78歲。

鍾偉明的兒子鍾仁傑表示，父親今天乘港鐵上班時，在太子站突然暈倒，沒有呼吸，送院急救後不治。他指出，父親一直健康良好，醫生初步表示父親是心臟停頓，沒有呼吸死亡。

他表示，港台的同事見到沒有返工，致電找他，亦未能找到，最後警方通知他們，鍾偉明在港鐵暈倒送院，送院後不治，他們均感到很突然及傷心。

鍾偉明於1931年7月17日出生，是資深的廣播人，人稱「鍾大哥」，1947年投身廣播界，首個廣播劇作品名為《復活的玫瑰》。鍾偉明早年曾先後在麗的呼聲、美國新聞處和香港電台任職。其間他參與最多的是廣播劇的工作，有「播音皇帝」的美譽，現仍在香港電台第五台客串主持《松柏之聲》、《粵曲會知音》及《香江暖流》等長者節目，以及每日清晨5時至6時半的節目《清晨爽利》。

2007年是鍾偉明服務廣播界的第60個年頭，其服務多年的香港電台為表揚他對廣播界的貢獻，於2007年11月24日設宴，並頒贈紀念品給他。

1988年，大批越南船民因越戰而湧入香港，當時香港政府實施新的甄別政策，並在香港電台播放為人熟悉的北漏洞拉廣播，該段廣播中的粵語部分由鍾偉明讀出。

（即時新聞）

20091126的晚餐

今晚又係一煲過，海味炆節瓜。

材料都係節瓜、肉絲、瑤柱、蝦乾、冬菇及上湯。

20091125的晚餐

今晚都係簡簡單單，賣魚的教黑鱲起肉切粒，加冬菇及雲耳蒸，另外灼多碟芥蘭又一餐啦。

不過條魚我都係喜歡起肉煎會好食好多。