今日成日都好想食野,仲有微微發燒,應該係病得出個種啦.
今個晚餐九唔搭八,有炸澳洲有骨豬扒,蒜泥少豆胚,炒冷飯及新整的他他汁走青.
2007年11月30日 星期五
2007年11月29日 星期四
2007年11月28日 星期三
20071127的晚餐
今晚煮啲餸都係冇乜色彩，改良咗的炒雙冬，加咗雪櫃用剩好耐啲瑤柱碎及炸菜粒，個醬當然又係用返自己煮個甜麵醬加二湯去煮啦，味就好濃及夠深度，始終諗唔到點先有多啲顏色．黑漆漆的係豉椒炒田螺，不過多手加咗欖角落去唔好食．
挑戰極限@TKO (Updated)
[2007-11-24]都記唔起邊個話要係今晚又要食食食
.連影兩日相之後又唔知點解六點幾又起咗身,可能前一晚飲得勁過頭,有點頭痛.屈指一算一水杯紅酒應該有250ml,添加咗四次最少都超過三杯,應該飲咗超過一枝紅酒
,飲個陣都唔知,可能成日都冇乜飲過水,枝酒又甜過頭,以水當酒啦,不過咁對個身體唔係咁好,下次都要睇住飲啦.
hea咗陣老婆起埋身都成十點幾,食過早餐又出發去街市s超市s搵食材,唔知係唔係個人鈍鈍地,啲時間都好快過,望吓個鍾都成2點幾,咁就去食x興食完午飯就出發去TKO啦.
入到去5時左右,唔理咁多攪掂隻火雞先生先,入得爐都成五點半,一隻4.25kg的火雞最少要2個小時先熟,加多少少時間烤脆個皮成八點先有得食,差唔多啦.通常數就係咁計,結果煮完都要九點先有得食.
前菜：煙三文魚卷，薯茸焗田螺，蘆筍沙律，凍蝦．
主菜：焗火雞，酥皮黑啤焗羊肩．
伴菜：茄醬意大利雲吞（兩款餡料：火腿芝士，芝士合桃）．
甜品：聖誕蛋糕．
(Photo from 阿筠)
得個皮,唔見餡
.
{仲有碟有豬肉的意大利雲吞唔見咗
}
後記:
煙三文魚用上挪威的,勝在夠平,味道OK,但最鍾意食都係蘇格蘭的.簡單易做但花時間,切啲青瓜條加上sour cream捲埋就上枱.
田螺今次試用上印尼出的,都係平價貨,跟一般普通餐廳用的一樣,唔係唔想用法國的,只不過係冇時間整個牛湯底黃汁,唔想浪費就試下啲平野啦,33蚊有成7打
.薯茸係Christie及Anson整的,但係好似整咗好耐.
蘆筍沙律唔係我整,唔知老婆做過乜,大致上都係去皮,拖熟等等,呢隻澳洲來的都幾好吃,不過有一兩條老身啲.
凍蝦今次用上沙地阿拉伯來的急凍蝦,煮時個菜湯唔記得下鹽,啲味走咗少少,仲有係前一天先知多咗50%的人吃,臨時多解幾隻會有啲冇咁嫩口,唔知有冇人食得出.
火雞先生當然用上Butterball啦,食咗幾隻品牌都係呢隻好啲,幾經辛苦先係Citysuper搵到隻全場最細的,解凍都係唔夠時間,約少咗半日左右啦.用上普通燒雞醃法再加上少少栗子粒及雜菜做餡,本來打算用流出來個汁液煮個sauce的,但時間關係冇辦法去細心整,結果唔知煮咗個乜汁出來.
酥皮黑啤焗羊肩呢個餸的煮法已經記咗入腦,唔洗花太多精力去煮.
意大利雲吞的茄醬又係唔洗點用腦,見到有乜番茄就用乜去煮,所以每次都唔會同味.由於有人唔食豬,所以要先煮芝士合桃餡先,再煮火腿芝士餡.
聖誕蛋糕係每年必食的一個節日食品,通常會吃兩個,今年有機會食三個
.
.
.
.
今年四維煮的節目已經完畢,聖誕新年都會係Family days啦.
.
.
辛苦Christie妳啦,比我攪到個廚房一pat野咁
,全晚都係洗洗洗,之後又係洗洗洗.
Related Links:(排名跟出blog先後次序)
酒佬煮意 西班牙火腿多士
...
Iberico貴過帕爾瑪火腿
Ricky的「預謀」是炮製一款佐酒小食——西班牙火腿多士，無非想快快做完示範後，與同樣嗜酒的Jordan碰杯。示範當日，二人飲完白酒又開紅酒，飲完紅酒飲花雕……霎時間，佐酒小食淪為配角，飲酒才是當真。
但這「配角」其實很矜貴，如果你認為意大利 帕爾瑪火腿（Parma Ham）並不便宜，那便要認識更昂貴的西班牙火腿Iberico。這些特種肥豬以橡實作為飼料，火腿經過長時間風乾才出售。Iberico比Pama Ham更有鮮肉味和嚼勁；配以硬身味淡的格魯耶爾（Gruyere）瑞士 山區牛奶芝士，十分和諧。Gruyere就是卡通片中出現次數最多、經常被老鼠偷食的那款芝士，切開即會見到大小氣孔滿布其中，在在告訴觀眾──「我就係芝士喇」！
至於Jordan的「預謀」是滿肚子的額外難題﹕
‧三文魚柳如何煎得好吃？
‧羊膝如何燜得腍？
‧意大利人煮菜是否特別鹹？
問題一個接一個，看來Jordan腦袋裏的採訪基因依然活躍。
Ricky的答案簡而精﹕
‧煎三文魚柳，應以慢火先煎附有魚皮的一面至三成熟，別反轉，然後原鑊放入焗爐，以低溫火烤熟，即可保持魚肉汁液，肉質嫩滑，而且外皮微脆
‧燜羊膝不是一般家庭做得來，要用極慢火燜兩天才行，最好出外吃
‧其實，歐洲沒有哪個國家的主菜不鹹
高深的廚藝，且留待日後詳細講解...
好懷念當年係西班牙帶回來的那條豬腿呀
醒目QA﹕芝士氣孔 發酵膨脹產生
【明報專訊】Q﹕芝士上的圓孔是如何做出來的？
A﹕芝士上的圓孔並不是「做」出來，而是發酵過程中膨脹自然產生的氣孔。大部分芝士都沒有氣孔，但有氣孔的芝士恍如成為「芝士家族」的代表，無論是超級市場的圖示標記抑或卡通片，都愛用有氣孔的芝士來表達。有孔芝士又以瑞士格魯耶爾（Gruyere）和埃曼塔爾（Emmental）芝士最受歡迎。
2007年11月27日 星期二
2007年11月26日 星期一
醒目QA﹕牛肉炒得腍 生粉不可少
【明報專訊】Q﹕炒牛肉如何炒得腍軟？
A﹕首先要買適合炒的部位，例如肉質較腍軟的牛柳。切牛肉時要按紋理橫切成薄片，作用是切斷肌肉的筋絡。再以生粉略醃一會，生粉能令肉類口感更滑，再加進其他調味料醃約半小時。炒牛肉時先將配料爆香，轉小火放下牛肉快炒，約分半鐘便可，最後灑點紹酒或米酒可增加香氣。
2007年11月25日 星期日
20071125的午餐
是日身心俱疲,附近又冇乜好食,於是走咗去吉x島買啲牛肉片及椰菜來煮之前買落的韓國四味醬,泡菜及年糕.顏色就冇乜,不過都幾野味,年糕的質感比上海年糕好,係有啲烹調技巧要改良下啫.
2007年11月23日 星期五
BEE WEDDING 02
昨日玩完大半天,今早又晨咁早出門口,當然又係去影E小姐出閣啲相啦.由於有大會攝影C及V,仲有攝影A...ngus係度,我呢個攝影b當然係影埋啲人地唔會影,又係剩係得自己覺得過引啲相啦.
呢啲當然係折磨兄弟團啲用品啦.
新娘子係房內睇現場直播出面的情形.
訂閱：
文章 (Atom)