一個人,都係簡單啲好...
今早去街市見到幾條兩斤左右的青衣,買咗條返來,起咗兩片魚柳,一片今晚食,另一片就星期一食.今晚的一條就上粉煎,配他他汁,加一碟菜花就成為一餐豐富的晚餐啦...(因為今天晏食早餐冇食下午飯)
2008年5月31日 星期六
20080529北海道大移動
名字的由來係桃太郎電鉄16的名字，今次電鉄16的時序係講北海道因為冰封，所以將成個北海道拖咗去四國南部降凍，然後再拖回原處．但今次的海產就由北海道拖咗落TKO，然後排出大海
終於去各大好友處集齊啲照片啦
原本有一幕Bingo大戰長腳蟹的動作片上演，但由於有演員甩底
，出品人唯有更改片種，變成一幕文藝片：當Bingo遇上長腳蟹
．
由於隻蟹係煮熟的急凍蟹，所以當晚都幾輕鬆，將啲手腳剪開後放係烤盤上．
烤完一邊再烤另外一面．
個蟹身就非常細小，仲細過街市買的肉蟹，但好在厚身，拆出來的肉都有啲睇頭．蟹鍋的湯底是日本的木魚湯，再加日本大根、蘿卜、旺菜、本菇、芋絲、豆腐及大蔥煮成．
好大隻的牡丹蝦，仲有好多綠色的蝦子，不過冇要到．原先仲諗住煎蝦頭食的，但真係太多野食，最後要放棄．．．
總數十一尾，啲蝦殼好硬，有一隻因為比佢刺咗一下就唔見咗氣尾啦．
1kg 3L級生食用的帶子，一隻片三片，最大個兩隻就要開四片．
來由小樽的生食用海膽．
加上一盒由Apita速遞過來的魚生拼盤，加埋三文魚子及蟹子，原本淨食呢盤魚生都好正的，但在貨比貨之下，相形見絀．
是日壽司飯由日本有機米煮成，平成廿年的新米，新米用到接近一比一水都係水多咗少少，不過食唔出有乜特別之處，都係正常日本產米咁上下啦．
蟹子，帶子，牡丹蝦及海膽組成四拼手卷，一隻手卷，多重享受，唔洗加錢．
同場加演，Christie初試的玉子卷，用的當然係日本蛋啦，隻玉子卷尊用鑊仲要係新買的
．
最後加多一味用日本蛋黃製造的芝麻雪糕(又係某人話要食個種．．．)，等我要走去倉底搵番部雪糕機出來
，今次落重法國忌廉，由2比1加到5比1．
個recipe份量大咗少少，要分兩次先至完成到．樣就差少少，但係呢隻芝麻粉就好香，因為係之前一晚做，剛做好的時候就幾軟身的，但係雪一晚之後就硬晒，可能係啲芝麻粉重身啦
．
有野食當然有酒飲，呢枝酒Bingo都好喜歡．白酒之中，除了Grand Cru出的Chablis外，最愛就係Alsace的Muscat啦．
呢份四拼手卷係比Bingo食的，有太古城過來的帶子、三文魚、蟹子及劍魚，走青瓜、豉油及青芥末．
是晚開心的還有一班小狗，因為啲日本空運食物比較多，盒魚生拼盤都食唔晒，呢啲情況班小狗當然笑晒嘴啦．
今次又發現Bingo最喜歡食北海道帶子，唔喜歡食三文魚．一叫帶子就down晒等食，但叫三文魚就即刻轉頭唔理你．
相關網誌：
2008年5月28日 星期三
．
當Bingo遇上長腳蟹
大蟹兩吃
－燒大蟹腳
－蟹身餓釘
手卷
－魚生數款．
芝麻雪糕
- 唔知整唔整到
個雪櫃唔知係唔係凍過頭，今朝發覺有點硬．
材料:
洋蔥二大個，青瓜數條，大蔥二至三條切條，日本本菇一包，日本旺菜半棵，日本蘿蔔一條．
一公斤米，紫菜大片三包，蒟蒻絲一包．
Bingo的食糧．
調味料：
鹽，壽司醋，糖，日本高湯包三至四包，昆布一大片．味醂，料理酒，冷麵汁．
...
要購買的材料:
紫菜，魚生，青瓜，大蔥．
要帶的材料：
白酒，雪糕，料理酒，Bingo的食糧．
紅蝦Pasta 2.0
蝦汁材料﹕
紅蝦頭…6隻；乾葱…4粒（切片）；蒜頭…4粒（切片）；番茄…1個（切片）；威士忌…30ml；清水…300ml
步驟﹕
(1)切出紅蝦頭。
(2)以橄欖油起鑊爆炒。
(3)加入乾葱蒜頭及番茄片。
(4)加入威士忌及清水。
(5)以中火煮20分鐘。
(6)隔渣備用。
煮蝦汁時間不宜太長
煮蝦汁的步驟，時間並非愈長愈好，不是老火湯，愈長愈出味，Ricky的經驗之談是﹕「烚海蝦時，當鮮味提升至高峰仍繼續滾，不但會流失湯底鮮甜味道，而且會產生一股低沉的口感，就好像用了不新鮮的材料煮出來的效果。」
凡事適可而止，「煮到盡」就連煮蝦汁都「反面」，火力時間要控制，先煮20分鐘，若仍然覺得汁水太多，應該隔渣之後，把蝦汁回鑊，再煮至水分揮發至合理分量。這個原理，不但適用於今天的示範，也舉一反三地解釋了煮蝦湯的特質。下次打邊爐或日式火鍋時，便不要蝦頭蝦殼任其置於鍋內長烚長滾。
紅蝦Pasta 2.0 材料﹕
扁意大利麵……100g；紅蝦………6隻；白酒……30ml；刁草……少許（切碎）
步驟﹕
(a)滾水加鹽，放入扁意大利麵，烚水時間比包裝指引扣減3分鐘。
(b)海蝦去殼去腸留尾。
(c)以橄欖油起鑊，快炒海紅蝦，加少許海鹽調味，離火備用。
(d)把紅蝦汁翻熱，加入烚熟大半的pasta，煮至適當軟硬度。
(e)加少許現磨胡椒調味。
(f)夾起pasta上碟，把刁草碎灑於紅蝦上，置於碟面即成。
2008年5月27日 星期二
2008年5月26日 星期一
鳳凰號成功降落火星北極地區 展開90天任務
（法新社巴沙迪納二十五日電）美國航空暨太空總署的火星探測器「鳳凰號」，今天在火星北極附近成功降落，成為降落在火星北極表面的首個探測器，將展開為期九十天的鑽探任務。
「鳳凰號」傳回已安然通過熾熱火星大氣層的訊號後，美國航空暨太空總署「噴射推進實驗室」的任務控制中心雀躍慶祝。
「鳳凰號」將成為第一艘研究火星北極表面的太空船。與美國航空暨太空總署的兩架火星探測漫遊車不同的是，「鳳凰號」將停駐在定點，它將利用機械手臂，鑽挖火星極區冰層，以研究火星上是否有適合生命生存的環境。
火星探測器鳳凰號簡介
（法新社華盛頓二十五日電） 美國航空暨太空總署的火星探測器「鳳凰號」今天放下三支登陸腳架，成功降落在酷寒的火星北極地區，展開冰面鑽挖任務，以判定火星是否曾有適合生物存在的條件。
－－造價四億兩千萬美元（約新台幣一百二十八億元）的「鳳凰號」重達三百五十公斤，其中包括二十五公斤重的科學儀器。
－－「鳳凰號」降落後會展開兩片太陽能板，每片長五公尺、寬一點五公尺。
－－「鳳凰號」配備伸縮挖掘裝置的機械手臂，長二點三五公尺，可向下挖掘達一公尺，及採集極地凍土和水冰的樣本，並將它們遞送至「鳳凰號」上的科學儀器，以進行詳細的化學及地質分析。
－－配備箱狀照相機，安裝在機械手臂末端的挖掘鏟上，附有與用於35mm相機相仿的雙高斯鏡組，及兩具照明器材，可拍攝週遭環境和鑽挖出樣本的影像。
－－探測工具之一，由加拿大打造的氣象站，將監測火星北極地區每日氣候變化，旨在探究該地區水成份變化過程。這個氣象站配備雷射雷達儀器，（光學定向與測距），利用雷射光脈衝監測此一地區大氣層的塵埃變化。
－－立體照相機（SSI）：美國航空暨太空總署將之稱為「鳳凰號之眼」。這個立體照相機可拍攝火星北極地區高解析度和廣角影像。安裝在離地兩公尺的高處，它的立體照相功能有助提供地球上的科學家有關機械手臂鑽測任務的三度空間立體影像。它也能垂直轉動攝影，提供火星大氣層塵埃相關資料。
2008年5月25日 星期日
20080525的晚餐
今日食完晏，冇乜野做，又走咗去Apita行下，睇下有乜新野，玩咗一輪，結果又係買咗魚生返來吃．臨上船前去咗買十三座牛雜食，之前行過好多次都冇買過來吃，今次老婆話要食就買一小碗來吃啦，對上一次吃街邊牛雜都可能係廿年前啦
，之後都係係麵店食多，感覺跟街邊食啲唔係太相同．買完剛好有船，坐低就即刻開餐．牛雜的質感偏腍，個汁好"厚"身，但係冇晒香料味，應該係翻煲咗好耐，但係又冇補返啲香料去提返個味
．咁多樣係個牛膀鞋口啲，其他除了腍了一點都可以．有時唔係個汁膽越耐就越好的，要不時添加返啲新鮮香料先會好食，唔係就會攪到個汁好死．
買咗個新煲當然要試下有冇問題啦(呢啲德國高科技煲點會有問題呀
)，先係用之前儲落的冬菇蒂煲咗個清湯，再浸發好乾冬菇，乾草菇，牛肝菌乾，蒸透蠔豉，一小塊蒸熟的火腿，切好鮮蘑菇及少許干貝仔來燜呢個餸．
先爆香啲薑片，蔥頭及蒜頭，再下所有材料(除咗火腿及蠔豉)爆至乾身，贊酒，加湯，加入餘下材料，少許蠔油，冰晶糖及少許海鹽．燜好後再少許麥芽糖，黑豆豉油及晒油調色．
由於浸菇啲水加冬菇上湯，火腿及貝仔已經好夠味，所以最後都唔洗點攪個汁已經可以啦．啲蠔豉係剛買的，好好味．
冇野玩，玩下crossover，法德兩個死對頭玩互換都幾合身
)．今日去補返隻碟(因為昨日打爛咗一隻)，見七折又買多兩隻大一圈的啦．啲枱墊都用咗幾年，係時候更換啦，見啲玻璃咁平，好似幾好，又買幾塊返來試下啦．行開Fissler攤位，見有個20cm 3.6升的煲仲平過2.5升個兩個(一個有長柄)，半價都唔洗，於是又買埋佢啦，依家屋企的廚具終於齊晒啦2008年5月24日 星期六
2008年5月23日 星期五
訂閱：
文章 (Atom)