今晚繼續食埋另外半邊魚柳,不過就配他他醬,再加意大利煙腩炒芥蘭。
由盧九花園行去三盞燈都好近,為的只是搵下間豬腳薑的小販檔係邊個位置。
因為上一餐的食物仲未消化完,睇到都食唔落,反而隔離的牛雜店的味道仲比較吸引,為了下一餐點都要忍下口。
以往係澳門行小路前往下一個景點係一件非常困難的事,因為街道小巷都是不規則的,行錯一個路口就唔知去咗邊,加上好多旅遊圖都只標示大路的名稱,小一點的巷里好多時都沒有劃出來。不過近年多咗好多路牌,加少許方向感迷路的機會不大。
到咗大三巴,四維都係大陸人海。
二話不說就直去買手信。呢間店未來過,但一睇個盒就記得好耐之前食過。
買完就行去食晚飯。
船屋滿座,去隔離的海灣食。
食咗兩餐手工比較粗糙的餸菜,今晚揀返啲精緻一點的來吃。
豬耳沙律。酸味夠,啱晒今口有點滯的胃口。
蒜茸蝦仔。好香的蒜油味,有時間要試整。
海灣馬介休。好豐富的層次,上面有蛋碎,下面係一層熟透的蛋漿,再下面是馬介休,底部就是薯仔。
今餐再次開一枝青酒,今次揀一枝酸味重一點,特別開胃。由於侍應放係冰桶入面,所以冇拍到。
最後加一份蛋白疏夫里。
是日行程完畢,八點廿分去到碼頭都趕到八點三十分的船。
兩日係澳門行咗共15.26公里,應該可以減返啲卡路里。
去完睇熊貓,等咗一陣才有巴士去黑沙灣。
再次係後花園等位,不過都係廿分鐘左右。如果第一次來的話就要小心自己個英文名有機會用其他形式讀出。
呢度最好食都係燒烤食物,由於只係兩人前,其他菜色係唔會諗的。
必食的燒乳豬。
燒鵪鶉。
燒沙甸魚。
要化油一定要飲紅酒。呢度啲酒唔算貴,揀枝年份長一點的來試下。
好食的出爐麵包。
飲飽食醉就坐巴士出市區。上車前冇睇過路線圖,只係直覺呢部車會經過附近。
下車後轉個彎就係入口。
都唔知有幾耐冇來過。
池入面仲係有好多烏龜。
多得附近的大陸團友,七點多就比個電話弄醒,之後都瞓唔返。
又行過去氹仔市區個邊搵早餐吃,見有間舊舊地就入去食啦。
酥皮蛋撻。新鮮出爐,夠晒熱,句號
豬扒包。
合體之後。
大利來呢幾日都唔開,不過威尼斯人的分店就開。
食完就行過去路氹區個邊。
本來想沿舊路一直行過去路環,點知爆石要封路。改行西堤個邊,早知唔洗行過來啦。。。
穿過工業區,去搵下開開心心。
係葡京對開係有架巴士直到的。
十圓入場費,每節一小時,中午休館一小時,不過出面仲有其他地方行的。
開開心心瞓緊覺。
熊貓館有三個的,二個係室內,一個係室外。每次只會係一個館出現。
依路邊社消息,下午二時去就會開開心心就會坐出來食午餐。
過多幾年呢啲竹就會好靚。
超近距離拍孔雀。
呢隻孔雀唔怕人,我係鐵絲網拍,跟孔雀頭的距離唔夠五厘米。
如果唔係有小朋友走過來,佢都唔會行開。
星期五下午去澳門開會,由四點半開到六點半,之後就即刻去碼頭接埋老婆去食飯。
由於冇搵定酒店,澳門今天又特別多團來訪,便宜的房間都全滿,最後去咗氹仔住,反正都係瞓一晚,明早一早起身就退房,價錢比質素更重要。
入咗氹仔就唔會返過來,行過去官也街,又去返山度士食。呢間店舖來過很多次,似乎已經變成習慣,係氹仔多數都會來呢間,佢係一九八九年開,我應該係九五年左右開始食,附近當時都仲有幾家好食的,但回歸後好多都關了門,變成得返呢間澳葡菜入得下口。菜色比較平民啲,通常地下個層都係留返比啲葡人多,上層差不多張張枱都坐過晒。
薯絲炒馬介休。馬介休係我倆去澳門必食的食材。呢個餸做法比較家庭式的粗糙一點,但味道唔會太鹹,真正的葡國菜係比較鹹的。記得當年有次亦是唯一一次去隔離的木偶食一個馬介休炒飯,佢將原材料直接整碎去炒,跟本鹹到入唔到口,點處理馬介休都不懂就用來下菜‧‧‧
炒蜆。唔知點解係澳門食啲蜆比香港食的好味。好的材料唔需要特別花巧的方式去煮,蒜、白酒、檸檬汁就已經好足夠。
八爪魚飯。未諗過可以咁樣去整的,湯底係用上豆及豬骨,配合埋啲保羅及蝦又幾好食。
麵包兩隻。夜了一點來到,麵包冇咁好食。
青酒乙枝。