昨晚有空睇下電視，三色台個飲食節目唔係經常可以由頭睇到尾，因為好多時前半段都係廚房工作中．．．
話說有三個名人要係節目中表演燒菜，當然要欣賞下佢地啲技藝啦，睇下有乜可以增益一下。
節目開始不久就話去街市買餸，不過其中一位就話「你們一去街市就會被騙」
，我相信冇乜邊個入廚的人可以不去市場購物都可以整得出好食餸菜，驚就去高檔之的超市啦。結果負責去買的那一位最後都係要小販揀比佢
炒蜆都可以用來上大枱可想而知啲廚藝去到邊，番石榴加話梅都可以當一味餸就真係無言啦。不過唔緊要，反正現今無飯夫妻多的是，佢地唔係紅褲子出身，觀眾的要求唔會太高。反而整蛋的比較有心思，好唔好就唔知，起碼都算用心去討好佢啲賓客。
到第二輪一見到佢咁整隻啤酒鴨都可以知道出來碟餸會有幾油膩，個顏色仲非常嚇人，佢仲話係一個上海廚師毫無保留咁教比佢，都唔知係佢資質差定係人地留咗好多手。雞翼上咁多乾粉如果炸得好應該會幾鋒利，天氣乾燥食完可能成口都係血。
餘下部分都係吹水時間，講就天下無敵．．．
又再一次證明文人係多大話啦。。。
過咗中秋及秋分，天氣開始轉涼，又係準備假日去郊外行山的時候。
星期六中午見個天開返啲，唔想去咁遠，揀條簡單有景觀的超短途路線玩下。
搭咗部慢公車四十一號，享受咗一個小時廿分的冷氣才到達青衣。
下車後由青衣西路的護土牆旁梯級上山，一口氣要上咗五十米的樓梯級。
接上青衣自然徑。
沿健康徑而行。
整條路都係石屎小徑，梯級比較多。
大氣的透度唔好，遠景都係朦朦朧朧。
青衣南的船塢。
向西邊的雲層比較薄。
長青隧道入口。
214高的三角測量柱。
有啲地方都可以看到藍天白雲。
第一個位置看到青馬及汲水門大橋的全景。
漫漫長路。
樹林透出橙黃色的陽光。右邊就係第二個觀景亭，不過除了第一個最開揚之外，其他的全部都冇乜景觀睇。
對面山頭的三枝香，下一次先上去。
樹梢中偷看青馬。
行過一點又唔見咗一部份。
天氣唔好，搵日好天再拍過啦。
仲未夠鐘日落。
218米高。
見仲有時間就向第三個觀景亭出發，不過全條路都係係密林之中，包括個亭都係，回頭去返標高柱旁等日落。
忽然發現海上有個島。
上面有個雷達站，應該係沙洲來的，有人稱之為西海明珠。
夕陽倒影要係呢啲天氣先會好睇。
有艘大火船駛過，之後要急左轉。
背後就係荃灣。
太陽又躲入厚雲中。
又跑返出來。
再一次入雲之後就要急速下山啦。
之後去咗青衣城食比薩，叫咗個咖哩味的但係完全冇咖哩味。
．
