當然又係時間慶祝下啦。
係黃埔買咗啲納米比亞蠔,好足肉。
買咗四隻澳洲肉蟹用豉椒去炒,呢味成日整的餸原來好多人都未食過。
買咗啲粟米芯,加啲荷蘭豆、數樣鮮乾雜菇、雲耳及雪耳,用上等流浮山蠔油煮成。
D24榴槤。
乒乒瘦了,係時候又要補一下。
係城市超級見有冷藏法國鴨乙隻,二話不說就買下來。法國家禽比較多毛,拔極都拔唔完。
大部份跟藍帶的處理方法,只是鴨腔用上鹽、黑椒粒、蒜泥及生抽去醃。
今次將翼尖及尾去掉,再用綿線扎好,再上鹽花去焗。先用180度高溫烤鴨背再反身用160度去烤,最後加大火烤好個面。唔係趕時間可以再烤多一會,個胸皮就會更加脆口。
照例中式切法,橙肉伴碟,橙皮就蜜餞。
醬汁就先將50克煮成焦糖,加50毫升白酒醋開稀,加250毫升無果肉橙汁及500毫升雞湯(因為冇小牛湯),再加一個橙皮茸,煮至三份一左右備用。烤好的鴨盛起,鴨汁去油再炒一個洋蔥及一條紅蘿蔔(一厘米大小丁方),加入濃縮好的橙汁,煮十多分鐘後隔去渣滓,汁液加入一湯匙橙皮果醬及適量的橙酒,鹽及胡椒調味。[蔬菜如果早一點煮會更出味。]
橙皮先用熱水煮一分鐘盛起,再煮糖水用慢火煮半至一小時。
白蘆筍伴蛋黃醬加日本烚蛋,始終現成的蛋黃醬欠缺一點鮮味,下次要自己打個蛋黃醬先得。
炸物時間,先炸日本南瓜及沖繩苦瓜。
再炸本地有機山芋及日本青椒仔。
最後炸木棉豆腐,另外一盒日本青椒仔就用焗爐烤。
今晚應該飲啤酒的。白飯繼續冇人食。
再來係煮車厘子時間,都唔知有幾耐冇煮過。放火‧‧‧
伴雪糕吃。
早日係大埔買咗幾片美國豬扒,今晚整返個焗豬扒飯。
唔知點解今日個廚房越煮越熱,先來個炒飯底都炒到成身汗。煮埋個蕃茄汁就真係人都癲。煎埋幾片豬扒加啲芝士就入焗爐。炒多碟菜又一餐啦。
今日行大運,先去天水圍探貝貝,不過佢瞓覺唔出來。
之後去元朗食甜品,最後去大埔買餸。
休漁期都係冇乜得揀,買份鮑魚仔返來做椒鹽。
夏天好鍾意食蕃茄煮的餸菜,今晚煮個蕃茄火腿蛋,加碟炒潺菜苗又一餐啦。
去咗九龍灣行冷氣街,最後買咗啲日本黑豚及芝士返來。
塊豬扒好薄(每片得四両),用刀片開中間(唔係相中的小刀,唔知點解就手用咗把八吋刃的西廚刀),再加入用小刀片的芝士。上粉、巴馬火腿片、蛋漿及麵包糠。
另外加幾隻焗荷蘭蘑菇,意粉就拌以上餐食剩的黑啤羊醬汁。