炸魚

近日個個都話要tartar saue,於是今晚就整炸魚啦,條魚係游水的,不過唔係好大條(14兩左右),起咗兩條魚柳之後切細舊啲一口食得晒同唔使炸咁耐,條魚骨梗係放咗係狗狗糧倉啦(雪箱).實驗結果係大條啲魚肉會實啲好食啲,似家啲肉滑啲有魚味但係咬口唔夠,仲有唔記得落小小喼汁提味.

次次整呢個炸漿都覺得好浪費,兩個人食就點都用唔到一半,但呢個以經最少份量啦.唉,又飲多咗半罐啤酒.

係土瓜灣最惡的一隻小肥貓

今日帶咗部相機影日落同雲，但係得閒時已經天灰同啲雲唔係咁靚，係街市買完餸之後就見到隻貓坐咗係街到，哈哈，仲影你唔到．．．

燒豬手

今晚係老婆公幹回來後的第一餐晚餐，天氣熱，又唔係好想咁多功夫，做個懶人餸啦－－燒豬手．

不過因為自己夜咗返，時間急咗，個面焦咗少少．

點解今日咁好天

唉，今早要係戶外曝曬一個早上，死得囉

酷熱天氣下走咗去行山~~~

今天係最後一天free啦，八時起身見個天仲係黑黑地，都唔知昨晚雷電交加，上網見到西邊開始冇雲就走咗去東涌行山，十點鐘左右去到東涌，個天時晴時陰，好多人排隊搭吊車，不過今次試下由下面行上去．

太耐冇行東涌啦，唔知點解行行下去咗海邊．

終於搵到條上小山崗的路，記得上次上呢個山個機場都未運作．

個景都幾靚，不過呢個時候就天陰，冇咗陽光．

大東二東仲唔見咗喎，黃龍好多水．

遠望今日行程的山路．

之後就落咗小炮台一陣．

轉個頭又好天

東涌舊村已經變得破舊，跟背後的新屋村成一個強烈的對比，但我仍然覺得舊的比較有味道一點，所以影舊村落時將一棟棟的高樓大廈排除出畫框外．

離開舊村後，穿過逸東村，向侯王廟出發．

以往的小路現在已經舖得整整齊齊了．

侯王廟其實幾孤獨，附近都只有一間康樂中心同一個球場．

侯王廟附近的泥灘都有啲生態價值．

經過東涌侯王橋之後，向上山的路口前行．



過埋呢間屋就差唔多啦．

登山的路口非常明顯，仲有標距柱添．

上山的道路非常漫長，開始時都仲有啲樹蔭，但上高啲就無遮無攩．

回望東涌都幾多高樓大廈．

東涌道上伯公坳．

中途上望行駛中的吊車，不過呢張係最後一張啦，天氣開始放晴．

從二百五十幾米高的位置下望東涌市．

行程到呢度開始出事，相片可以見到山下仍然天陰，但前路全是太陽烈照的道路，一路上來時時都發覺呼吸唔係好暢順，空氣太濕，散唔到熱，山下冇乜風，可能散熱會差啲，但上到山中間開始比較開揚同有啲風，但個頭腦都有少少唔係咁清醒．自己帶咗1.5升水及750ml的健康飲料，就算係烈日當空，理論上應該可以去到接近昂坪的附近，但已經飲咗約750ml左右的液體，其實都應該係正常，因為初段係直上三百無得停，山腰以下冇風散熱，用水量會多啲，有風之後應該用水會減少同埋速度會快好多．但當雲層全散，溫度急升以後，直覺話比自己知唔多妥，用手摸下個頭，感覺唔到溫度有幾高，於是立即用水淋下個頭，依，完全感覺唔到有涼嘅感覺，出事啦，水滾呀～～～隨即收好相機，用水淋濕晒個頭，就立即全速下山．沿途見到好多人開始上山，希望佢地冇事啦．行到山腳，先記起之前有一對父子係我後面不遠，但回程時不見他們，我想他們也應該已經回程吧．

係東涌坐E23回程先知道有八折，真係大鄉理．當架車返到九龍時開始天陰，但估唔到係祟潔街食完碗喇沙魚腐蝦摻摻之後就變咗黃雨啦．

100mm鏡頭都可以影到鷹

在昨天的郊遊途中，無意中發現係山頂附近有幾隻鷹係空中盤旋，原來係氣流係南邊吹上山，啲鷹就依氣流上升至山頂，就係咁，你會好近距離見到隻鷹．不過有幾次好接近都係係我用緊wide-angle的時候，換完鏡頭都走遠咗