慶祝796X直達乒乒家門

早日接到乒乒通知，話796X更改總站直達日出康城，雖然只係搭多一個站，但係呢個站行就要超過十分鐘，時間差不多，差別只是不用轉車。
當然又係時間慶祝下啦。

係黃埔買咗啲納米比亞蠔，好足肉。

又買咗啲牛柏葉。





買咗四隻澳洲肉蟹用豉椒去炒，呢味成日整的餸原來好多人都未食過。

係有機檔口買啲日本種苦瓜炒日本蛋，不過苦瓜的味道兩頭唔到岸。



買咗啲粟米芯，加啲荷蘭豆、數樣鮮乾雜菇、雲耳及雪耳，用上等流浮山蠔油煮成。

早日解凍的威爾斯羊腩，用乾香料去醃，再用慢火去焗。

Ｄ２４榴槤。

 

乒乒的夜宵。

20110817的晚餐

早日用腐乳醃咗塊威爾斯羊腩，今日用慢火去焗，炒碟西蘭花又一餐啦。

20110816的晚餐

早日食完隻麵包蟹，蟹殼的蟹羔食唔晒，今晚加啲紅蘿蔔、蘑菇、洋蔥、忌廉及牛奶焗意粉，加埋早日食唔晒的燒豬肋骨又一餐啦。

20110815的晚餐

另外一半的豬肋骨加多少許醬料多醃兩天，再燒的味道又濃郁不少，炒少許翠玉瓜又一餐啦。

20110814的晚餐

行完山，去咗大埔街市買咗隻一百蚊都唔洗的麵包蟹，蒸完用薑米加意大利黑醋作沾醬，蘆筍灼熟配蛋黃醬。

20100812的晚餐

一條美國豬肋骨分兩餐食，快手過頭攞咗厚肉個邊出來焗，肉質唔係好入味。另外買咗幾天的苦瓜最後用來炒蛋。

20110811的晚餐

早日買下的黑鱲另一半魚柳今晚整英式炸魚，當然又係配自製他他汁啦。另外白蘆筍就配蛋黃醬。