今日岳父生日，一家人又出去食晚餐，今次揀咗灣仔的一間食肆。
等候的途中先食一口喬頭，不過唔係咁好食。
金錢雞，肥肉唔夠爽口。
煙薰鯧魚。我都係覺得個煙味冇乜特別，正常煙薰食品每家都有特別的煙薰味道，不過呢味就食唔出。
八寶鴨，味道就夠，可惜現在食唔到新鮮鴨，兒時食開新鮮的就覺得啲鴨肉唔得，不過呢一代就唔會分得出啦．．．始終中國人處理雪藏食品的技術唔掂，肉質梅而冇鮮味．．．啲糯米可以再爽身啲會更好，現在水多一點比較糊口。
炸鯪魚球加蜆介醬。由細到大的訓練，我對鯪魚肉的要求好高，收呢個價錢我就覺得唔合格啦，粉多鬆身唔夠彈，反而個蜆介醬啲蜆肉就幾好食，因為通常其他地方食啲蜆肉都係好鹹。
魚腸。失望了一點，食蛋有蛋味，食油炸鬼有油炸鬼味，食魚腸有魚腸味，又係唔知點解啲味道係分開晒的．．．
鹹魚茸炒菜苗．．．我依家先知道我原來係屋企成日炒菜苗的
遊咗好耐街的拿破崙，個皮好脆口。
【明報專訊】千年一遇元旦月偏食 香港可睹
今天是除夕，兩個天文奇觀將跨年在全球出現迎接2010年。先是北美和歐洲等地今天將可看到20年一次的除夕「藍月」，意即一個月有兩次滿月；身處香港或內地的你，除夕倒數後，則可於凌晨看到千年一遇的「元旦月偏食」。
藍月指一個月現兩次滿月
歐美除夕夜將出現「藍月」（blue moon），所謂「藍月」並不是月亮變藍色，而是一個月中出現兩次滿月的意思。滿月周期為29.5天，大部分年份的平均滿月次數為12次，藍月現象約每2.5年發生一次，上次是在2007年的5月，而「除夕藍月」更是罕見，平均每19年一次，對上一次是1990年，下次若想在除夕夜看到藍月，便等到2028年。
由於本月2日已出現了一次滿月，所以本月的第二個滿月會在除夕再度出現，美國、加拿大、歐洲、南美、非洲都可看到。美國一天文學電視節目主持人霍克海默（Jack Horkheimer）說：「（屆時）若你身在紐約時報廣場，便會看到一輪滿月就在你的上方，它將會非常明亮。」至於澳洲和亞洲，則要待元旦才能欣賞到滿月。
月偏食凌晨1時17分開始
至於港人在今天除夕倒數後，將可見證千年一遇的「元旦月食」。本港天文台表示，這次月食將由凌晨1時17分開始，3時23分食甚（即「食」得最多的時刻），5時30分結束。不過今次月偏食，月球僅有8.2％直徑進入地球本影，市民只能觀察到月亮變暗及有小部分「被食」。
雖然今次月偏食食分較少，但根據香港天文學會提供的資料，本港對上一次可見的「元旦月食」已是公元633年，即唐朝時代，故這次本港可見的元旦月食可說開埠以來首次，下一次便要等到2029年元旦月全食。
西南偏西 觀月最佳
天文學會稱，在西南偏西方向觀看是次月偏食最佳，該會更指出，由於當晚月球位於雙子座，無論在市區或郊區，市民只需在任何西面視野空曠的地方，透過肉眼也看到。除本港外，內地及歐亞多地亦可欣賞到今次月偏食，但在美國則看不到。
美聯社/明報資料室
09年最後煮的一餐，一煲過整醃篤鮮。都係用鹹肉、鮮豬腩肉、鮮冬筍、百葉及白菜煮成。
冬筍前一天已經出水一個小時，然後用清水浸，啲蒸汽就用來蒸熟咗舊豬腩肉，鹹肉就汆堆水，今晚就唔洗煮咁耐。
百葉一片開三份打結用大的器皿盛好，加入沸水，再加入幾滴梘水後攪拌至變白就可以，太白的話就會好稔甚至會爛，然後要即刻用清水洗去梘水味。
竹筍、鮮肉及鹹肉切件。
煮沸頭湯，然後加入鹹肉、鮮肉及竹筍，煮廿分鐘後加入百葉再多煮五分鐘，然後加入白菜煮熟就食得．．．
【明報專訊】後天便是2010年，到底「2010年」的英文該怎樣念才對呢？有人認為應念作twenty-ten，但有人則念成two thousand and ten，甚至有人念two-o-one-o。英國廣播公司（BBC）的電台節目，近日亦討論這個問題，他們最後傾向念作「twenty-ten」。
如何念2010年這個令人困擾的問題，日前成了BBC電台節目的話題。這個節目由英國科幻劇集《Doctor Who》演員坦南特（David Tennant）與林泰特（Catherine Tate）主持。
老一輩念two thousand and ten
坦南特在節目中將2010年念成twenty-ten，並祝聽眾新年如意。泰特接著說﹕「twenty-ten……原來如此！看來你很遵守BBC的發音守則。」然後，坦南特向節目嘉賓克里賓斯（Bernard Cribbins）說：「我們認為應念twenty-ten。」
不過，克里賓斯認為，老一輩的人大多傾向念成two thousand and ten。泰特說：「你不能念成two thousand and ten……BBC發音部門的人會氣炸的。」
BBC設部門 決定統一念法
BBC設有一個部門，決定各節目應採用的統一發音。BBC表示，該部門尚未決定2010年的念法。BBC發言人說：「節目錄製之前，大家一致認為twenty-ten是最容易發音的念法，但用其他方式來念也不算違規。」
中央社/每日電訊報
聖誕之後又係時候出去搵啲平食品時間
，反正呢類都係有排食，同埋過節個幾日好難食到甜個部份，都係遲一兩天慢慢再吃啦．．．
今年枯仔、別街、T及G都唔係好多貨剩，只係O記依然有大量貨品供應．．．
食完英式就要食德國式的，意式就留返來做早餐。
．
食到有點膩，都係食返啲"清"一點的。
繼續玩部新玩具，今次啲麵糰加啲切碎的自家種的蘿勒，整咗200g的Sémola粉。
餡料就只係巴馬火腿加Ricotta芝士。
第一次用呢個配件．．．
麵糰的厚度仲係研究中．．．
用重鹽水煮．．．
開咗罐羅宋湯做底（應該要兩罐先夠）．．．炒埋剩低個少少唐萵菜又一餐啦
煮到第三餐，開始有點膩，繼續食羊羊。
之前買咗份威爾斯羊腩返來，一打開先發覺原來係兩片一包的（即係成隻羊的份量），左下半有骨，右上就只有肉。
本來打算用來燒焗的，但係冇骨的部份一煮就會卷起，於是走去附近買咗樽咖哩膽返來煮咖哩羊腩（剩肉的部份）。
而帶骨的就繼續用孜然粉及岩鹽去燒。
威爾斯的羊肉比澳紐的更有肉味，不過羊的油脂就比較膻一點，乒乒都好鐘意食
。
另外係味道買咗份醃好咗的豬肋骨，面燒十分鐘，底燒十分鐘，面加蜜糖加火再燒十分鐘。
效果都可以，係包裝入面啲汁液少一點，開唔到個沾醬來伴吃。
煙三文魚、菜沙律加自製日式沙律汁。
另外又買咗啲椰菜仔來吃，用鹽水加檸檬去煮，之後加牛油，再灼多一點幼蘆筍。
急凍的Pita Bread用焗爐加熱。
咁多油脂當然要啲化油飲品。
聖誕當然要應下節，買返個英式食品來吃。
依指示加熱650W加熱三分半鐘，一分鐘後吃。好香濃的酒味，乒乒都好鐘意食。如果買冇酒的那一種應該會好甜好難食的．．．
C小姐秘製的日式芝士蛋糕。
聖誕三連吃到此為止，不過兩星期內要吃六餐真係有點吃不消．．．
前一天．．．
好耐冇燒過羊髀，今次唔食蒙古的，買咗隻紐西蘭來吃。
起咗一條骨出來及切去多餘的肥肉。
加少許蒜片、Rosemary及岩鹽。
用棉繩扎好。
加少許Rosemary及岩鹽係面又放返入雪櫃。
另外上次及前一次買返來的西冷頭及尾去晒啲肥肉及筋。
今天．．．
羊髀先用猛火煎封各面。
放係個網上面用160度先焗一面四十分鐘，再反轉另一面焗四十分鐘。
之後再反轉多次再多焗廿分鐘，用溫度計插入中央，約六十五度多少少就可以出爐，之後用鋁箔蓋著約廿分鐘，溫度會再升高的，約七十二度左右，要全熟就要多焗十分鐘左右，由於大小不同，睇溫度最準（七十五就全熟）。
切個陣感覺到啲肉好有彈性，外層剛熟，內層約七成左右。
另外就用西冷頭尾煮咗個牛肉醬，放係有青豆的炒飯面加少許芝士焗。
諗唔到食乜菜好，就用絲瓜炒雲耳。雲耳先浸透，剪去硬塊及洗淨砂泥，用白鑊弄乾後贊酒備用，絲瓜刨清啲皮，用薑片起鑊，炒至微軟後加入蒜泥，之後就逐少加入雞湯去炒，最後加入雲耳，用鹽及蠔油調味。
另外又買咗凍豆腐返來吃，當然係配日本的靚柚子醋啦，羊髀就配自製的薄荷醋汁。
煮幾味簡單的容易控制好多，係個焗飯冇時間去睇就乾咗少少，不過個飯本身比較濕潤就冇乜問題。
呢枝酒好特別，聞說係大陸某市領導送比我老婆的老闆，話說好貴，樣子依大陸標準係好高級的，不過招紙有中文字，酒應該西班牙入口然後係大陸入樽的，至於味道就．．．酒身薄，冇果味（其他味根本就沒有），開時酒精味重，回味沒有．．．超市八十元以下的貨色啦
