201105631的晚餐

在家煮粵菜最難係控制火力，特別係炒牛肉，今日只煮一味就可以全力去處理。

20110525的晚餐

早日係大昌買咗啲鵝掌返來，一餐食唔晒，分兩次煮，加啲冬菇瑤柱用壓水煲去煮。另外炒啲翠玉瓜又一餐啦。

卡爾文森

今日下午要到鄰埠公幹，去程時已經嘗試尋找三艘戰艦的停泊位置，但不成功。

回程時唔知係船長有心定無意，選擇行駛北航道回航。經汲水門海峽之後就見到了。

船隻從旁經過時真係部手機都拍唔晒全船的闊度。

當然係眼睛比手機看得多及清啦。

三艘戰艦的四周都有水警戒備。

20110519的晚餐

好耐冇食蟹，買隻斤幾両來炒，唔記得盒裝雞湯有鹽，鹹咗啲。

20110518的晚餐

早日整理雪櫃時見有幾塊鹹魚，今日有時間就整個白汁薯仔焗馬介休來吃。

20110517的晚餐

今晚又清下雪櫃，煎幾隻金蠔，蒸埋最後一孖臘腸。

20110515的晚餐

昨晚食得多油，今晚食返啲清淡啲。

買咗兩隻大賴尿蝦。

唔開油鑊，一於蒸熟食。

煎少少節瓜就食飯啦，簡簡單單又一餐。

 

20110514 Wine Pairing Dinner with Alain Rougié and Amorosso Fine Wines@Cafe Deco

好耐冇咁夜上山頂。今晚非常大霧，不過比上鳳凰時薄一點，最少都有五十米的視線。

上來當然又係飲飲食食啦。坐低一陣就跟Alain Rougié打咗個招呼。

先飲杯Miolo-Brut Millesime Pinot Noir, Chardonnay，味道唔錯，啲泡都幾滑。

今餐的主題係鴨肝配酒。左邊的係酒Wine List。

右邊的才是菜單。

Amuse-bouche.三款不同的前菜，味道好融和，試唔出入面的成份，算啦，呢啲都係出來食比較好，自己好難做。

Trilogie of Foie Gras de Canard.枝Vina Leyda, Fallaris Hill Single Vineyard, Chardonnay跟Terrine 係絕配，而Terrine最好食的地方就係配上表面的英國Maldon海鹽，將味道提升到另一個層次。Crème Brulée及Seared Foie Gras的做法及配合有驚起。

Jerusalem Artichoke Soup with Foie Gras Espuma. 第一次食Jerusalem Artichoke ，比普通食開的多了一種味道，下次要買啲返來試下。呢種湯又係自己做唔到，要飲都係要比錢人地賺。

Pan-fried Seabass, Foie Gras de Canard.　個頭擺得太大，之後的開始有點失望，白蘆筍及配菜做得好好，魚就有好少的鯹味，問題係配的那一枝酒比較清淡，跟之前的有一個好大的落差。魚跟Foie Gras 的配合其實唔係太融合，唔加Foie Gras 都唔會有問題，不過為咗貼題就冇計啦。

Baby Lamb Chop with Foie Gras de Canad Crust.枝Vina Leyda, Las Brisas, Single Vineyard, Pinot Noir跟羊的配搭幾好，不過隻羊應該係解凍出問題，肉汁唔夠及有少許渣。

Fresh Fruit Salad with Blood Orange Sorbet and Valrhona Chocolate Tart with White Espresso Ice Cream.枝甜品酒其實就唔係好合格，級數跟之前的差了一點。甜品的質數一般啦，大家仲係懷念緊之前的 Foie Gras 。

French Macaroons.

 

2011MD@HOME

四人前的母親節餐。

買咗份生蠔，今次有廿八隻。

見有條老鼠斑。

係街市買咗啲赤米加芒果及蘋果做沙律。買咗兩款法國包。

有八隻就原隻焗，其他就生吃。

罐頭龍蝦湯，隻綠茶無花果包都幾好食。

條魚清蒸唔會好食，整個鹹皮包住焗，另外又打個蕃茄沾汁。

蒜泥上湯炒翠玉瓜。

甜點就係橙梳乎里。

20110503的晚餐

食到冇野好食，係街市買啲豆角返來汆水，另外又買啲絞好的鯪魚肉，加啲臘腸及蝦米，再釀入卷好的豆角中去煎，另外醬油炒什菌，食埋啲醉鴨舌及豬手又一餐啦。

 

20110502的晚餐

早日係九龍灣買咗隻法國黃油雞，前幾日開始解凍，隻雞兩個人要食兩餐先食得完，都係搵埋乒乒一齊食啦。

早日係紅磡買啲海鮮都食得下，以後唔洗去咁遠啦。

買咗啲蘇格蘭大蟶子，海中蝦及蜆。

蜆先用白酒煮開取肉，蜆汁隔去沙石。用蒜泥及煙肉起鑊，再加入蜆汁及蘑菇炒熟，加入煮好的意粉（本來想自己整寬麪的，不過時間唔夠），最後加忌廉。

蘇格蘭大蟶子繼續用豉汁陳皮及粉絲蒸。

海中蝦先去殼，繼續用蒜油去浸熟。食味都係赤米甜一點，不過由於蝦大隻，相對地油份會食少一點。

燒好隻雞。

都係中式切法最方便。

上湯浸西洋菜。

20110501的晚餐

係超市見到塊火腿約七百克，買返來加熱再配返上次用剩的橙汁。今晚食法國麪包唔食飯。