今晚老婆早收工,咁就佢去買餸啦,買咗兩條黃腳鱲,炒碟菜芯又一餐。
2010年4月30日 星期五
2010年4月29日 星期四
20100429的晚餐
今晚又食返啲簡單餸菜,早日解凍咗十隻中東來的海蝦,諗唔到點食,去到超市見有春卷皮就買咗包返來包原隻蝦春卷。呢隻蝦本身都幾鹹,加胡椒粉調味就得,另外要係肚位切斷晒啲筋,以防炸熟後捲曲。
滾個鹹蛋節瓜瘦肉湯又一餐啦。
2010年4月28日 星期三
20100428的晚餐
今晚收工去掃街市,行過魚檔見有呢隻龍蝦賣64一斤,魚販叫佢做火龍,實質上佢叫脊龍蝦,生長係三十米以下的水域,常見於海南島一帶,記得書本上講過呢隻啲肉質係市面上買到最差的一種,未食過又見佢係游水的就買兩隻返來,都只係八十大元就有龍蝦吃,比食蟹更方便化算。
買個陣都仲未諗到點整,最後決定用開邊加白汁焗。個殼都幾硬,用刷洗乾淨後開邊去腸及沙囊。另外用洋蔥加牛奶、鹽、胡椒、芥末及香葉煮個白汁。煮好白汁後淋上蝦肉上再灑少許粗麵包糠。之後放入焗爐先以170度焗十分鐘,再轉大火烤面。
呢種龍蝦啲肉質冇咁結實,唔用呢種方法真係唔知點整好,如果炒球肯定散晒唔見食,所以賣唔起價。個白汁吸咗個龍蝦鮮味好好食,我諗加少許煙肉碎會更好。
2010年4月27日 星期二
2010年4月26日 星期一
分間套房非馬頭圍塌樓原因
屋宇署長區載佳表示,經過分析,露台重量、分間套房、物料老化和侵蝕等,都不是馬頭圍道塌樓的原因。
區載佳說,馬頭圍道45J倒塌時,地下前面部分的5條支柱,有3條支柱(C11、C12、C13)斷裂,逐步倒塌,所以集中調查這3條支柱。
當局進行結構分析,計算這些支柱可荷載的安全系數(一般而言,如果安全系數跌至紅色安全線之下,就有危險)。但在計算以下多方面的因素後,發現安全系數仍然較高,即在可接受的水平。
這些因素包括,支柱最初設計時,原來並沒算入露台的載重,但由於所用鋼筋多於設計,足以抵消問題。
此外,雖然該樓的上面四層的單位,都分間了套房,令樓宇額外增加負荷,但即使計算這因素在內,安全系數仍處於較高的標準。
另外,鑑於樓宇老舊,當局亦計算了物料老化和侵蝕等兩個因素,但即使這些令安全系數降低,系數仍處於可接受水平。
因此,當局認為,上述因素均不是導致塌樓的原因。
當局相信,是其中1條支柱受外力破壞,導致另外2條支柱斷裂,最終造成塌樓。至於外力的源頭,尚需建築物測試及科學鑑證研究結果,才可確定。
2010年4月24日 星期六
20100424的晚餐@TKO
以為今日會下雨,準備好晒今日食食食,結果就陽光普照,冇去行山就浪費晒。。。
開咗廿五隻Gigas。
買咗三斤游水海中蝦返來整蝦丸。
加啲芒果條、青瓜條、一啲吉X島魚生、牡丹蝦、2L帶子整手卷。
Bingo留返兩粒飯夜宵。
2010年4月23日 星期五
2010年4月22日 星期四
20100422的晚餐
昨晚瞓得唔好,今日成日都係游魂咁,去到街市見有條唔夠一斤的魷魚都好似幾好樣,咁就買咗返來整二吃啦。魷魚鬚就留返明晚食,魷魚身就照例開鑽石花紋,之後就上漿炸。另外又起個墨囊出來煮墨汁意大利飯,炒多碟菜芯又一餐啦。
要現金給火山灰 冰島人幽默面對困境
(法新社雷克雅維克20法新電)經濟向內崩潰,火山往外噴發,維京海盜時代結束之後,冰島從來沒在歐洲掀起這麼多騷動。
經濟向內崩潰,火山往外噴發,維京海盜時代結束之後,冰島從來沒在歐洲掀起這麼多騷動。
冰島是個位在北大西洋的荒蕪島國,人口不過31萬7000,之前除了出過1位作風有點怪異的歌手碧玉(Bjork)之外,很少引起世人的注意。
現在冰島紅了,甚至可說惡名昭彰。
2008年全球經濟危機,造成冰島快速起飛的主要銀行倒閉,英國和荷蘭有34萬人的儲蓄血本無歸,他們要求冰島支付39億美元賠償,卻遭到當地人民強烈反彈。
有個笑話從冰島火山爆發後就不斷被提起,它說,英國人「想要現金(cash),不過冰島字母裡沒有C,所以他們只得到火山灰(ash)。」
另1個玩笑話說:「冰島經濟死的時候,最後願望就是將骨灰灑到全歐洲。」
幽自己一默是冰島人面對困境的方法之一,因為向來穩定的冰島突然出現經濟危機,而且冰島人發現他們竟成為國際間的反派角色,這都是過去不曾發生的事。
像冰島這樣的蕞爾小國,沒有常設軍隊卻可以威脅整個世界,有個笑話完美捕捉到其中的荒謬性。
這個笑話是用黑幫份子的語氣來說的:「敢惹冰島?看我們把機場通通關掉。」(譯者:中央社張稚昀)
2010年4月21日 星期三
20100421的晚餐@Creamy home
今晚老婆唔返來吃飯,本來一個人都係出街食多,但係又要返大埔一趟,於是問下Creamy屋企有冇飯開
Zoe剛出世,隻Bee好多野都唔食得,本身諗住去大埔街市買啲餸,不過唔去得海鮮檔都係唔好入去啦。結果走咗去吉X島睇下有乜買...
買咗啲法邊豆用蒜泥炒,薯仔就整薯茸,兩件澳洲和牛,比錢前都係去雪櫃攞多包香茅雞翼穩陣啲...
好耐冇用過Creamy屋企個廚房,特別係個電磁爐啲火力唔知點搞...
求求其其煮一餐啦,Zoe都間接有份食的
Creamy, Coffee都有份食牛牛,不過見佢地唔係咁開心,忍多陣啦,等隻Bee休息夠就可以一家五口四維走啦。
2010年4月18日 星期日
坂本小姐N次來香港玩
住係香港三十幾年都唔知香港原來咁好玩,坂本小姐唔夠半年又再來三天,話說年尾又會再來。
早幾日問我地要乜,我叫同老婆講啲擺得下的食材都未開,唔洗再買啦。
結果都係有三樣...
大阪的柚子醋。
昆布卷。
應節的櫻花曲奇。
雨天後的梧桐寨
昨日整日都好好天,指導又話要去行下梧桐寨,初初話十個,去到變咗廿個...
教咗個鬧鐘六點半起身睇下個天點,陰天,繼續瞓...
到七點半起身見個天都係咁,不過啲白鴿就四維飛,即係冇雨啦,就問下指導出發未,原來佢已經去緊大埔飲茶,不過沙田個邊就有雨,再上網睇埋天文台啲雷達圖,見個堆雲過咗之後就冇雨,咁就食埋個早餐就出發啦。
九點四十五分起步,今次由村路入...
呢塊田次次來都覺得好靚...
上次冇入萬德苑。
入去轉個圈...
環境幾好...
門前旁的小瀑布,試一下啲光夠唔夠,因為上去個幾個瀑布仲會暗少少...
上山啦...
注意此岔路口...
先去井底瀑,要下行一段濕滑石階。
再上中瀑。
井底去中瀑好快到,路都唔算難行。
不過中瀑去主瀑的路就有啲難度,特別係路面濕滑的時候,有幾個險位要好小心過,唔係就...
主瀑好高,上下的光差好大,個個以為落雨,其實係啲瀑布啲水珠來的...
咁睇就知個瀑布有幾高...
一陣就要由左邊的石澗上瀑布頂,而呢次就係我行咁多次山第一次要收埋部相機行...
散髮瀑。
呢處就係主瀑的頂部...
行完四個瀑布之後繼續上...
仙境一樣...
接上之前岔路口上的另一條路,不過唔係太多人會行呢條路上來,因為呢條路只係會去到散髮瀑,去完主瀑有乜人會再行一個大圈先會過來...
全程6.46km,最低點100m,最高點610m。
完.