BBQ後記

creamy媽同細眼腸買咗好多野食，但有三個冇出現及中途發生了小插曲，及後經過大家的努力，終於都清咗絕大部份．

最後訪問咗:-

--Goofy同Bingo，佢地話：”我要蘋果啊，快啲比蘋果我啊”

--其他人話啲雞翼夠味，但Angus話啲雞翼唔夠茅呀

每次同腸會BBQ都有新發現，繼上次的燒豆腐卜之後，今次又發現唔使刺穿絛多春魚都可以，Thx. littlecat.

BBQ準備篇

前晚BBQ的準備工作都唔算太多，原先預計人數有十八九人之多，所以特別準備咗一些生果比Fruit punch用，有檸檬，蘋果，橙及西柚．

切生果當然要用生食用砧板及刀啦，所有生果都先洗淨外皮，然後切成骰子大小，最後加入一杯拔蘭地醃數小時

，在飲用前加入其他配料：汽水，白酒，生果酒及冰便成．

但凡事總有意外的，本來打算加入生果酒來增加果香，但apm的吉之島係冇我想要的桃味，最後用果汁代替，個人喜歡七喜多啲，但買咗雪碧，唔緊要啦，甜少少啫．

跟其他乾香料醃製食物一樣，用香茅粉醃肉類始終欠了一種鮮香草獨有的香味，最後在BBQ前數小時都要加些鮮香茅及泰國檸檬葉來增味.

最後主角出場啦：肉眼一大件，煮咗咁耐西菜都未試過解凍四磅一件的牛肉，最外面因為有血水浸過，所以顏色唔夠鮮，再加上肥肉一大片，胃口即刻大減．

好在，在裁去肥肉及筋，再切開成六件之後(差不多十安士一塊)，眼前一亮

，鮮紅色的賣相跟city super的差不多，切面散發出鮮肉的味道

，今次解凍成功，下次可以買更高級的牛肉啦．

新西蘭牛肉的肉質比較瘦，所以牛味比較濃(當然比安格斯的差)，但價錢便宜，適合大堆頭的菜色．由於唔係係自己屋企BBQ，好多野都控制唔到，最後決定要用香料醃牛肉，不過係在燒烤前20分鐘才進行．幾經辛苦先找到個似樣的recipe用，呢個食譜係比烤水牛肉用的，我估都可以一試，但結果係鹽分要減半才可

．

明天BBQ的食物 (附香茅雞翼食譜)

買咗一條九磅幾的新西蘭肉眼,切咗三磅幾出來比BBQ用,解凍中.

仲有醃咗四磅香茅雞翼,上次用鮮香茅唔係好夠味,今次用香茅粉開醃料,睇下好唔好味先.



唔使講梗係有Creamy同Coffee份啦

香茅雞翼(45隻)：
雞翼完全解凍洗淨去水，先用大碗開好醃料〔香茅粉2湯匙(唔用新鮮要多啲~1湯匙)，蒜泥(半個蒜頭)，糖1.5湯匙+，生抽老抽(2:1左右)共3湯匙(增加調味料的深度，不可太多，可減少)，魚露3湯匙+，日本料理酒(optional:可調入味醂)3湯匙+(視稀釋度而定)，胡椒粉少許(個人口味例加，可減去)，試味(因隻隻魚露唔同味，有啲得鹹味唔夠鮮，要用糖來平衡)，最後油1湯匙拌勻〕，保鮮袋放入雞翼及醃料排氣密封醃過夜，中途要返轉個保鮮袋，在食用前數小時加入鮮香茅粒及檸檬葉絲增鮮味．

2007年4月25日的黃昏

昨日回家前見到天空出現的晚霞．

黑仔的四月天

四月天,心情也跟天氣一樣,多雲時有雨,月初去曼谷時發現枝鏡頭個mount散咗,返來整咗用得返,但係已經唔見咗枝518價錢,跟著去完米埔發現個快門有事,今日話我知要成個換,好在仲有半個月保養~~~

米埔一天遊(下)

來到觀鳥屋，天空有厚雲，但能見度仍然很好，只是略帶灰塵，對面蛇口的高樓大廈及世界之窗都可以看到，新建的西部通道也可以隱約看見．

未有雀仔看，只好到屋彼的紅樹林找尋一些濕地生物，原來在漲潮時，好多生物都會走到紅樹的樹枝或樹葉上．

由於器材所限，只好透過高倍（３０ｘ）的單筒望遠鏡睇一下大小白鷺．

潮退啦，忽然有一大群雀仔在屋頂上低飛略過，應該都有過百隻之多，感覺好震撼

水再退多一點，大小白鷺都走到淺灘上覓食．

約兩時後便開始回程，但不走回頭路，沿著邊界路走回米埔的入口，景觀跟之前的有所不同，有點江南水鄉feel．

後記：隨著深圳彼岸改革開放後不斷的發展，后海灣的面貌也改變了不少，從米埔保護區的舊照片得知，那時整個后海灣的海岸都是差不多的樣子，跟本分不出那兒是大陸，那邊是香港．但現在已經是深圳比香港”先進”了不少，慶幸的是我們對環境保護的意識比對岸走遠了超過三十年，但環保是整個地區的事務，單純一個小小的特區所能夠做到的是有限，希望在我有生之年能看見后海灣的污染能有所改善，那些候鳥都不需要吃那些受到污染的漁產．

 

米埔一天遊（上）

米埔自然保護區，一個認識已久的地方，從開幕的那一年已經知道有這個地方的存在．記得當年還在就讀小學，有一天老師拿了一些關於米埔自然保護區的通告給我們，最吸引的不是別的東西，而是那個可愛的熊貓標誌，當然通告是關於籌募的事項，但兒時錢銀的東西都不是我處理的，所以沒有去理會，只知捐了些少錢，做了一年會員吧了，終於過了這麼多年後才正式到這裡參觀，我也相信這裡附近的地貌也改變了不少，至少多了那些由魚塘及農田改成的貨櫃場，兒時看到的元朗絲苗，元朗烏頭去了那裡啊

約九時半到達米埔，一看到這塊告示牌，噢，黑瞼琵鷺走了～～～心情也差了，記得去年在三八線見到的黑瞼琵鷺現在已經在返回南北韓的途上．

從這裡正式進入保護區了，沿途的景色優美，走在魚塘的基圍上，感覺置身在大陸的郊野中，一點也想像不到自己原來是在香港的土地上．

走了一會到了展覽中心，不過沒有太多值得參觀的地方，最重要的設施反而是洗手間．

跟著便踏上這條漫長的基圍路前往邊境．

終於到了香港的邊界了．

上面有沒有人啊，Anybody Home

穿過了鐵絲網，走上了浮橋路向觀鳥屋出發．

在出去的時候正值潮漲，紅樹都差不多沒頂了．