20090929的晚餐

今晚煮咗之前整好的一半蝦膠，加一包咖哩角，再多一碟芥蘭。

20090928的晚餐

今晚食返清淡啲，老婆買咗啲沙鑽返來，上少少調咗味的粉，再用慢火煎透，然後用猛火煎脆個面，另外就用蒜泥及韓式辣醬炒咗個翠玉瓜。

60國慶@TKO

食完晏就去街市買餸菜。

今晚上演異形第五集，由三隻小狗大戰外星怪物．．．

不過冇片睇．．．

四斤六龍蝦四吃。

啲殼用咗來煲湯。先炒香蝦殼及腳後盛起，再炒西芹、洋蔥、紅蘿蔔、蒜瓣、香葉、辣椒、黑椒後用拔蘭地Deglazing，再將殼腳回鑊加熱水煮十分鐘後將蝦腳撈起拆肉，殼就繼續煲湯，煲好後隔湯備用。

主要係用來煮意大利飯。青豆先用少許料理酒汆水。用牛油炒香洋蔥碎後加入蘑菇煮至煮身後再加入意大利米，炒熱後加入少量熱湯用中慢火慢煮，煮至收水時再加入適量的湯。由於要煮軟身米飯，所以有後期要加蓋焗，最後加入巴馬臣芝士粉拌勻後收火。

蝦頭肉刺身。將蝦頭內的嫩肉剪出，用鹽冰水洗淨後瀝乾放入雪櫃。

蝦腳肉加北海道三文魚籽整沙律。拆肉後的蝦腳伴以芒果等雜果及沙律醬。

C小姐啲星星月亮出晒來．．．

尾肉就用來整芝士焗加伊麵底。先將尾肉切好後上調好味的薄粉，再用嫩油煮至蝦殼剛轉色後盛起去油。用牛油起鑊，爆香薑片、蒜頭、蔥頭及洋蔥塊，放入龍蝦，再加入龍蝦湯燴片刻後盛起。用少許油將車打、巴馬臣及比薩用的芝士加少許龍蝦湯煮開再將龍蝦回鑊，煮好後放上已煮好的伊麵上。

龍蝦湯意大利飯食時加上另外煎好的帶子及鵝肝。

蘆筍。

Awfully Chocolate Rum and Cherry Cake.

小乒乒連龍蝦都食埋，下次都唔知有乜新野比佢食啦．．．

20090927的午餐@近又吉列黑豚專賣店

今日落旺角街市買餸，未夠鐘就上咗朗豪坊食炸物。

又係磨芝麻時間．．．

某信用卡送的炸南瓜。

滑蛋豬扒鍋。

炸千層黑豚紫蘇梅味。

炸豬後腿肉。

 

 

 

20090926的晚餐

下午食完和民之後，都唔係好想再食野．．．

去到街市海鮮都冇乜野賣，佢地話明天啲人做節先有好野返．．．

見有河蝦賣就買咗兩斤半返來，當然啲蝦殼又係煮湯啦，加小許有機草菇及一份拉麵又一餐啦．．．

冬蔭公加拉麵係好好食的．．．

20090926的午餐@和民

上完堂落咗去黃埔食晏，好耐冇去和民，睇下新餐牌有乜食。

信用卡有優惠，一蚊多一樣，叫咗個豬扒鍋。

加一個冷麵。

韓式牛肉雜炊。

明太子卷蛋．．．

抹茶笑來美餅。

一加一的柑桔柚子梳打。

上學去（二）

麵包堂Round Two，整甜包。提子包、"車輪包"及吞拿魚包。車輪包冇模，所以都係練造型的手勢，太多野諗，又係做錯野．．．另外個吞拿魚包就做得成功啦。

圓圓的包包，下次拉個皮要比心機啲，仲有少少橙皮紋。

呢啲就係之後大家整的迷你吞拿魚包，練個包有餡包的手藝。

整完之後就記起好多年前係Grand Hyatt入面員工飯堂食下午茶時都係食佢地餅房學師出的迷你包餅．．．當然水準靚過呢啲好多啦．．．

醱酵之後就個個黏埋晒，好懷念以往上學前係大牌檔等出爐麵包的日子。

不過原來好多人都未見過成盤出爐的麵包，見一個個黏埋覺得好出奇．．．

另外仲有啲人唔知乜野係車輪包．．．

20090925的晚餐

今晚整海鮮Risotto食，用上之前用剩的海鮮湯（都記唔起係整乜剩低的），加上沙地的海中蝦、帶子、及八爪魚刺身，另外用鑊烤咗啲日本青椒。

今次整啲飯係意大利版本，呢個硬度一般中國人係唔會食的。

聾哈

聾哈肆吃

聾哈芒果沙律 + 小吃(炸物)

聾哈刺身

上湯焗聾哈

雜菌聾哈湯意大利飯

是日甜點

冰凍Gewurztraminer

********************************************************

大花龍一隻約肆斤plus、洋蔥貳大隻、西芹少許、紅蘿蔔壹大枝、香葉數片、辣椒兩隻、黑胡椒粒、拔蘭地少許、生粉、油、芒果、沙律菜、冰粒、雞湯、芝士、意大利米、雜菌。

準備時間約個半小時：

－劏時間約20mins／刺身急凍約30mins／煲湯約45mins／拆哈腳肉約10mins

********************************************************

 

20090924的晚餐

今晚又係食冷飯時候，啲燒雞整咗個沙律配梅子沙拉汁。見到啲炆螺頭鮑魚仲未食就加咗個拉麵食埋佢。

奇怪的投訴文化

有咗youtube之後,好多人都會攞住部手機四維拍片然後放上網,久不久都會有啲有趣及特別的事件睇下,但絕大部份時間都係一些無聊的片段...

剛剛又有一條片上咗新聞紙的頭版,當然那份報紙的公信力唔好得去邊...

都唔知由幾時開始香港就變成投訴城市,事無大小,總之對自己不利就投訴咗先...

另外劉華的影響力真係唔少,攪到個個人都以為顧客一定是對的...

那位新一代以為上網的一群一定會撐佢,點知結果一面倒...

結果其他人以其人之道...

網上係一個開放的平台,如果有日行差踏錯,以往放過上網的資訊好容易比有心人搵返出來的...


另外又見到啲無理頭投訴,交諮會係第二季163宗交通投訴數字中,有105宗係由3個人投訴的...


仲有係"兒童餐廣告頻現乳溝 板長收185投訴...今年4月至7月在亞視、無線及無線收費電視播出「板長壽司」兒童套餐廣告，出現女性胸部特寫鏡頭，影視處認為該鏡頭並無性相關內容，不構成不雅，裁定投訴「理據不足」，但一投訴人不滿影視處裁決，認為有關描繪不雅、品味低俗，兒童餐廣告帶有性含義成分並不恰當，不適合在合家歡或黃金時間播出。廣管局審議後認為投訴成立，因為廣告試圖把兒童的愉快情緒和女性身體聯繫起來，又重複出現女侍應乳溝的特寫。"

呢啲都係成年人的眼光...

學者倡新法淨污水 年省6億電費

【明報專訊】透過顯微鏡才可看到的微生物，不一定對人類有害，只要懂得利用，反而有助解決人類的問題。過去百年，全球污水廠廣泛採用生物科技處理污水，利用細菌吃掉水中污染物，但缺點是過程中需要大量打氣，耗用大量能源。有學者建議本港轉用近年開發的新技術，細菌在密封環境下，仍可潔淨污水，估計每年節省的電力，相等於全港用電量的1.5％、約6億元電費。

厭氧處理 污水廠面積大減

全港有67間污水廠，每日處理280萬立方米污水，約六成是2級或以上污水廠，以生物方式處理污水。港大土木工程系講座教授方漢平表示，本港污水廠主要以耗氧方式處理污染，例如沙田污水廠，廠內闢大量土地興建沉澱池，讓細菌發揮作用，消化污染物。一般而言，若以厭氧細菌處理污水，污水廠面積可以大幅減少75％，產生的污泥量則減少95％。

方漢平認為，政府應考慮以厭氧方式處理維港兩岸污水，可節省大量電費。不過政府至今仍未決定是否進行淨化海港計劃二期乙計劃，為昂船洲污水廠增設新裝置，以生物技術處理污水。

他說，外國近年愈來愈普遍採用厭氧方式處理污水，內地亦有厭氧細菌污水廠，證明可以大規模應用。科學界近年更發現，一些厭氧細菌在處理污水的過程會產生氫氣，可用作燃料，極具發展潛力，港大過去曾作試驗，成功產生氫氣，推動小型發電裝置，但仍未能大規模應用，估計還需10至20年研究開發。科學館今日下午會舉行「利用微生物技術自廢水製氫」展覽，向市民展示最新的處理污水技術。

20090922的晚餐

今晚試下呢隻美國有機雞，其實佢已經係雪櫃解咗幾日凍啦，不過啲冰唔熔就由得佢繼續解啦。

由於係試味，所以唔落咁重味，只係用生抽、老抽、魚露、胡椒粉、味醂及香草去醃。好耐冇玩個轉轉，就攞返個叉出來，不過只係開轉，冇開風扇，燒得唔係咁勻稱。

由於燒烤時有其他野做，隻翼尖黑咗少少．．．

貫徹上枱多肉少骨，只係得隻翼有骨．．．

一餐食唔晒，後天繼續。

Yahoo Blog仲未執得

部份BLOG友網誌內部份圖片未能顯示，亦有BLOG友發現統計資料沒有更新。

對於這兩個問題，BLOG team 正努力維修，致力儘快把問題解決。

不便之處，請諒。

***********************************************************************

成個幾月的問題都未解決...

聖誕平郵將截郵

投寄海外的聖誕平郵信件、聖誕咭、郵包及包裹，較偏遠的地區會提早截郵，郵政署呼籲市民盡早投寄。

郵政署根據有關目的地的郵政當局的需要而臨時訂定各地的截郵日期。該等日期會受當時是否有航運服務所影響及可能會於短暫通知後被更改。呼籲市民為免延誤，宜盡早投寄。

亞洲及中東地區截郵日期最早為敍利亞，在10月13日，其中內地截郵日為12月9日，澳門的截郵日期為12月12日。

美洲及加勒比海地區，古巴的截郵日期為10月10日，美國10月23日，加拿大10月28日。

歐洲截郵日期由十月初開始，英國截郵日在11月3日。(即時新聞)

***********************************************************

唔知仲有冇人會寄聖誕卡的

20090921的晚餐

是晚簡簡單單，用埋啲韓式醃肉汁去醃啲美國牛仔骨，今次煎完啲牛仔骨之後就將啲醃汁加紅酒煮返個芡汁，另外炒碟西蘭花及食少少泡菜又一餐啦。

20090920的晚餐

一起身就好黑仔，部電話個芒得啲雪花，冇野睇，再開機都係咁，就此宣告死亡．．．

其實都預咗佢差不多啦，因為都過咗三年，依家啲電子野係咁上下．．．

不過最慘就係之前冇Backup啲野，都唔知冇咗啲乜．．．

不過算啦，最多都係幾個電話咁大把．．．

眼朦朦就走去買電話，冇諗過壞就冇留意最近啲電話有乜特點，睇咗陣都冇一部合晒心意，就平平地揀部拍照效果好啲的一部啦。

買完就走咗去食野，試咗一間手打烏冬店，不過都係唔係太好食，個心仲有啲粉味，同埋唔太彈口，另外個牛肉飯啲肉就好有咬口，食完用咗幾枝牙籤．．．

忽然想起屋企包烏冬粉好似買咗好耐，都係時候要清下啲存貨．．．

買咗枝礦泉水返去今晚開工整．．．

比部電話玩弄咗一個下午，都未Upload返晒啲電話入去，最後用原始方法Copy & Paste由電腦過返入部電話處．．．

整三人份，全程用人手，冇用部KA搓粉，因為仲未買返部壓麵機，唯有用手擀及切．．．

另外本來是昨日吃的西班牙依比利亞豬肉，買咗之後諗咗好多種方法去煮，最後都係用日本的柚子胡椒及鹽去醃。

另外加啲烤長芋及炒菜芯。

烏冬夠晒煙韌．．．不過切得麻麻地．．．

好香的豬油味．．．

自從多年前係西班牙帶咗隻依比利亞黑手豬腿返來之後，個陣一食難忘的豬油香味終於可以再試啦，不過成本就重咗啲啲．．．

《蠟筆小新》之父疑墮崖亡

(星島日報報道)日本人氣漫畫《蠟筆小新》的作者臼井儀人失蹤八天後，警方昨早在群馬縣與長野縣交界處的荒船山懸崖下方，找到一具疑似臼井儀人的屍體。據報，死者所穿服飾與臼井離家時的打扮很相似，其身上損傷嚴重，估計是在登山期間不慎墮崖，警方今日會進一步確認屍體身分。

　　衣著與臼井儀人相似

　　群馬縣警方透露，當地時間周六早上十時許，有登山者在荒船山（高一千四百二十二米）一處名叫「艫岩」附近的懸崖下方，發現一具屍體，隨即通報警方。群馬縣警方接報後立即出動搜索，最終在位於登山路線中途的艫岩北側山崖發現一具男性屍體。警方調查員指死者衣服破裂脫落，鞋子掉在附近，屍身的損傷相當嚴重，估計死者是在登山時不慎滑落山崖喪生。屍體身穿白色T恤，揹黑色帆布背囊，雖然還未能確認屍體就是臼井儀人，但其所穿衣服與臼井離家外出時的衣著打扮很相似。

　　當地人士稱，艫岩是開放予任何人士可自由前往的地方，但艫岩的北側是懸崖絕壁。臼井儀人日前正是在這處登山時失蹤，故警方懷疑死者是臼井。警方稱，發現屍體的地方是在荒船山頂一巨石下方二百五十公尺處岩石陡峭的崖壁下，須垂吊才能接近，有一定危險性，縣警搜索隊昨日暫未能搬運屍體，遂打算今日再搬屍，之後會對屍體進行身分確認。

　　因信教與母爭執離家

　　日本傳媒報道，臼井的母親對失蹤多日的兒子憂心不已，更曾向友人表示擔心兒子可能已經喪命。據臼井的鄰居向傳媒透露，臼井夫婦是日本一個新興宗教的虔誠信徒，其寓所附近便有該宗教的設施，兩夫妻不僅給與捐款，而且據報臼井也向該教派提供土地。有鄰居指，臼井的母親一直反對兒子加入該新興教派，兩母子更曾為此發生爭執，一度惹人揣測臼井可能因此而離家出走。自臼井失蹤以來，連日有大批記者守候在臼井家門口等消息，臼井的母親面對記者追訪下一直迴避。

　　現年五十一歲的臼井儀人居於琦玉縣，他於本月十一日向家人稱要前往群馬縣登山，當日便會回家。但家人後來一直與他失去聯絡，便在翌日報警。臼井平時也有獨自登山的習慣。 綜合報道

20090919的晚餐

上午返完學，下午就去咗太古城放血。

先係迴魂食完壽司，再去安安同UNY購物。

回程係北角碼頭見到有斑馬賴尿蝦賣，當然要買返來食啦，原本的餐單又要順延至明天才吃。

都係開半上粉油炸，再用牛油美極（今次係真美極）回鑊，另外係UNY見有好新鮮的日本青椒，開咗油鑊就用天婦羅漿炸埋佢啦。

買咗一箱無花果回來，今晚食住四隻先。