昨晚買咗隻冰鮮雞返來,一半用來食,個雞殼就用來整上湯.
今日整豆豉爆雞球,可能天氣真係凍,煮完都好快涼咗,又要出動微波爐啦.
同場加演上湯浸學斗仔再加味精一號.呢隻火腿啲味冇上一次個隻有甘香,算啦,下次再搵過隻.
昨晚買咗隻冰鮮雞返來,一半用來食,個雞殼就用來整上湯.
今日整豆豉爆雞球,可能天氣真係凍,煮完都好快涼咗,又要出動微波爐啦.
同場加演上湯浸學斗仔再加味精一號.呢隻火腿啲味冇上一次個隻有甘香,算啦,下次再搵過隻.
今晚天寒地凍,整咗個薄餅,內有蕃茄醬,蘑菇,煙肉,醃青瓜,黑水欖,蕃茄乾,Salami,水牛芝士,車打芝士及巴馬芝士.
另外再加煎牛舌及熱騰騰的蘑菇忌廉湯.
餅底 (4人份):
材料:
(a) 高+低筋粉(80+170g);鹽(0.5 tsp);油(2 tbp).
(b) [乾酵母(3g);溫水~40度(140g);糖(1 tsp)].
做法:
1) 準備一個溫暖的地方(約35~40度),冇工作台就用大碗撈及搓粉.
2) 材料(a)們入大碗內;另外材料(b)混合稍等片刻,等酵母甦醒.
3) 然後將(b)混合(a)一起搓至光滑(比整麵包的要求低).
4) 在大碗的內壁塗上油,放入麵團及加保鮮膜放在溫暖處發酵45分鐘~1小時左右或麵團發大兩倍為止.
5) 在發酵期間可以煮蕃茄醬(用現成都得),切配料,當然材料又係豐儉由人啦.
6) 將麵團內的空氣壓出,靜止10分鐘左右,再壓成薄餅狀.
7) 舖上配料後放在預熱的pizza stone或有孔的baking tray(見link 2)上,然後用220度焗15~18分鐘(視乎焗爐火力大小而定).
#芝士係大啲的超市有得賣for pizza的,內有三款芝士.
都唔係第一次整啦...
(1) 20071209的晚餐
(3) 20070830的晚餐
(4) 豐衣足食
今天玩咗成日,好在屋企準備好晒啲食材,昨日土瓜灣間意大利店舖又做六折,咁就買咗啲意大利火腿返來,再配上日本洋梨及以色列無花果做前菜.
加埋半片銀鱈魚西京燒就及蒜茸炒西蘭花就成為今晚的晚餐啦.
今日去咗九龍城一趟,見到有啲靚的車厘子,於是就買咗箱回來,經過一輪篩選之後,表皮唔好的就拿來煮今晚的甜品.話說呢款甜品係好多年前外出食飯常食的一款,當時年紀小,食完full course都仲可以食甜品,但現在兩個人食一個set diner都有點困難.
之前整都係用罐頭車厘子,今次用上新鮮的智利車厘子,一磅車厘子可以食兩晚啦.
去片...先將車厘子切半去核,用牛油起鑊煎香半個檸檬皮後拿走,加入車厘子煮片刻,加入適量的糖(我今次就用了1.5大匙自家製的雲呢拿糖),煮至熱後再加入拔蘭地及橙酒(各一大匙),然後...放火.
熄火後加入加拿大的楓糖漿(一大匙)及balsamic vinegar(二小匙),最後加上雪糕球一枚.
【明報專訊】香港一名壽司店老闆月初以逾40萬港元投得東京藍鰭吞拿魚王,成為城中佳話。但原來食用貴價的吞拿魚刺身並不安全,美國《紐約時報》研究發現,藍鰭吞拿的水銀含量偏高,每周吃多於6件吞拿魚壽司就已超標。
《紐約時報》從曼哈頓20間壽司店購買吞拿魚壽司進行化驗,發現其中5間店舖售賣的藍鰭吞拿壽司水銀含量之高,足以令美國食物與藥品管理局頒布禁售令。這些吞拿魚的水銀含量,比罐頭吞拿高很多,進食6件會攝取49微克水銀,是成年人一周可攝取的上限。
紐約藍鰭吞拿水銀量極高
專家指出,雖然吞拿魚取樣自紐約,但若對其他地區的藍鰭吞拿進行測試,將得到相似結果。水銀一般是工業污染物被排入大海,研究人員相信,愈肥大的吞拿魚,吃的小魚愈多,體內累積的水銀水平亦更高。
有壽司店在得悉調查結果後表示,會暫停出售吞拿魚,亦有壽司店表示,一直知道吞拿魚水銀含量高,通常會建議家長不要讓兒童「吃多於一至兩件」。專家則建議,最好每隔三周才吃一次吞拿魚壽司,而且每次不應吃多於6件。
基本上所有海鮮均含有水銀,美國政府雖沒有定期抽驗海鮮的水銀含量,但過往有研究顯示,常進食海鮮的人,體內水銀水平亦較高。人體攝取過量水銀除了令神經系統受損外,還會導致心血管疾病。美國當局曾發出指引,警告孕婦和兒童不應吃太多罐頭吞拿魚。
攝取過量可致心血管疾病
《紐時》有關藍鰭水銀偏高的報道,惹來美國右翼智庫「消費者自由中心」(CCF)質疑,該組織指控報道就政府水銀安全標準上「誤導」讀者,要求撤回。CCF的前身於1990年代中成立,早期贊助全來自煙商,常質疑有關食品安全的研究。
南非開普敦熱門旅勝地桌山(Table Mountain)發生登山纜車停電事故,近千名遊客一度被困山上多個小時,纜車上亦有數十名乘客在離地700米(2100呎)的山頂附近半天吊。部份人要爬出車頂逃生,有人甚至要被迫跳車,驚險萬分。
事發於周一,國營電力公司因為電力不足,而要實施輪流停電措施,每次停電兩小時。受到停電影響,當地交通燈失靈,火車班次延誤,醫院手術取消,學校亦要提早下課。 但最受矚目的事故首推著名旅遊景點桌山,當停電時,正值傍晚時分,當時有兩架登山纜車分別快要到達山頂及抵達山腳,但卻在此時突然停頓。位處山腳的纜車,由於尚未到站,40名乘客要在救援人員協助下,垂繩四米才安全著地。 至於快要到頂的纜車則驚險萬分,因為還有兩米才到達山頂車站,車上乘客處於半天吊狀態。他們要由車頂爬出,然後再攀爬一條狹窄的救生梯才到達車站。
十多年前去個陣已經成日停啦,換咗車之後仲搵啲咁野玩
A﹕ 高級西廚用的薄荷葉,通常來自澳洲,葉塊厚大,無論用來上伴碟或拍攝,效果都很吸引,但在一般街市找不到,高級超市則偶有出售。至於說烹飪書裏的薄荷葉較翠綠,那可能是燈光和印刷效果佳所致。
輕煎鴨胸,做成家用版,便能解決問題。總廚說,秘訣在選用法國嫩肉鴨胸——簡單點說,就是材料要買最好的,不能吝嗇,有了好材料,烹調簡單也能吃出美味。
讀者李敏兒(Alice)前來學習西菜,卻老實不客氣地說:「煮西餐?好麻煩,每樣材料用少許,餘下的,不知存放到什麼時候才會用完,最終都是送給垃圾桶!」
避免浪費 可買酒辦
Ricky說,平日少煮西菜的,真不易處理剩餘的調味料,但部分調味料其實可變化出其他配搭,例如﹕西餐必備的淡忌廉,煮汁時只用少許,剩下的可以用來奶茶,或在吃甜品時淋上少許,增加香滑口感;煮菜用的紅酒,一般都用粗品,不宜淨飲,開瓶後用了少許來煮西餐,可以把餘下的用來燜肉,耗用量較大。至於今天示範的燒法國鴨胸配薄荷橙柳沙律,當中的橙味甜酒只需20ml,不用買一大瓶酒,買酒辦就可以了,減省無謂浪費。
讀者Alice是個精打細算的烹飪學生,對於買好材料,毫不吝嗇,但最緊要用得完。為了買得好材料,受店員晦氣也在所不計。Alice說﹕「去旺角 專營酒樓點心餡料粉皮的食品店購物,每次都要有充足的心理準備,該店專營批發,曾被店員喝斥﹕『你出翻去,想清楚要什麼才進來!』自此一役,我學精了,一次過想好要什麼,才敢進入那店買東西,不能邊買邊思考。」批發店不愛做零售,卻又來者不拒,然後附送難看臉色,真不知老闆的心思如何。
法國鴨不放血 肉紅味美
是日Ricky示範鴨胸,可以作為家常頭盤。總廚教路,在家煎鴨胸並不容易,建議購買法國的Barbarie Duck Breast,取其肉質嫩,容易處理,但價錢比街市新鮮鴨還要貴。法國人養鴨,無論食量及飼料皆控制嚴謹,當地生產的鴨胸,每件肉質與脂肪分佈均勻,屠宰時不會放血,所以鴨肉呈血紅色,鴨血是構成鴨肉美味的主要元素。這些鴨胸,只在高級超市零售,一般禮貌特別好,該不用受氣吧!
材料﹕
法國鴨胸1件; 鮮橙汁80ml; 鮮橙1個; Grand Marnia橙味甜酒20ml; 薄荷葉少許; 粟粉2g; 現磨胡椒少許。
步驟﹕
(1)燒熱平底鑊,以慢火把鴨胸附皮的一面煎至出油。(只煎附有鴨皮的一面,可防止鴨肉過熟變韌。)
(2)預熱焗爐至攝氏100度,把煎過的鴨胸烤焗13至15分鐘。
(3)用錫紙覆蓋,靜待3至5分鐘。(勿趁熱切,鴨胸烤焗過後,用錫紙覆蓋,靜待3至5分鐘才切片,作用是讓鴨肉吸收血水,色澤與味道會較佳,若趁熱切,便會出現血水流瀉。)
(4)鮮橙去皮,起出橙柳備用。
(5)將粟粉加入橙汁內調勻,注入橙味甜酒加熱至濃稠狀,搣碎薄荷葉加入,待涼。
(6)把橙柳加入橙酒汁內成為沙律。
(7)鴨胸切片上碟。
(8)拌以現磨胡椒及薄荷橙柳沙律即成。
今晚玩手製漢堡包
因為星期日返外家食飯睇有線見到教整漢堡包,所以今天老婆又話要食,其實之前都整過日式漢堡扒,不過見佢的材料有啲唔同,於是又自己更改少少就變成今晚的晚餐啦.
紐西蘭牛扒粗切成肉粒,加啲紫洋蔥茸,少許紅尖椒粒(自己加的),用鹽,黑胡椒碎,孜然粉,Paprika(自己加的),蛋,麵包糠混合好片刻後煎成漢堡扒.加上芝士後用鋁紙包裹好用餘熱將芝士焗熔.
醬汁用壽司醋(原本係蘋果醋)加法式芥末,鹽,胡椒,白汁攪拌而成.
原recipe有生菜的,但有芥蘭就唔食生菜,於是只加蕃茄及酸青瓜(自己加的)就算數啦.
同場加演川貝燉鱷魚肉俾老婆食,希望佢啲咳快啲好啦.
睇咗天氣圖幾日,估計今日天朗氣清,最好當然係郊遊啦.
Creamy阿媽唔得閒,咁就同咗Bingo,阿肥&Christie去行山啦.
係上山的第一段路,傻Bingo唔知我拖緊佢,佢忽然好緊張咁轉頭望我,見到係我拖住佢就繼續跑上山啦.
傻肥成日唔停,好難影到佢.
今日天氣勁好,只係有少少煙霞,可能都係仲早(十一點左右).
地上仲有啲露水.
有點似畫多啦.
每次行到呢處都見到啲樹木好翠綠.
Bingo的指定動作,係林蔭的地方停下來.
行咗都唔夠一個鐘,就行完釣魚翁郊遊徑的頭一段,今日唔去大廟個頭,又唔上釣魚翁頂,繞過釣魚翁之後直去大坳門食午餐.係我地開餐的時候,Bingo叫咗一陣,不過我地都冇理佢,繼續食
兩隻小動物都冇乜表情.
好難得兩隻咁乖坐晒係度.
呢啲就係三文魚飯團,不過係比狗狗食的.
食完三文魚飯團又繼續上路---龍蝦灣郊遊徑.
之前未行過呢條郊遊徑,只知係急上一段路就下山,全程2.3公里長.點知上山遇上太陽直照背脊,呢種係行山最辛苦的環境,加上初段多樹冇乜風,又大休咗一段時間,唔只人辛苦,狗狗都好熱,不過肥肥就好似差足電咁,努力上山.
途中傻Bingo又係唔睇路,隻右後腳踏咗落個氹度,(前一次係前腳),跟住就好辛苦咁三隻腳跳埋啲樹蔭處攤咗係度.阿媽當然好緊張啦,不過我見佢個眼神冇乜野,咪由得佢停一陣囉,當阿媽仲驚緊要抱返佢落山之際,我老婆又出絕招---一枝零食條,Bingo啲戲真係好屎.
上到山頂,雖然陽光普照,但係有海風吹住,感覺好舒服,連兩隻小狗都發揮佢地的本性,四處尋寶.
不過Bingo行咗一陣就係阿媽個影度坐低咗.
哈哈,又一張全景照,個人自轉影完都接得到.原片好清晰,仲望到遠處的馬鞍山及蚺蛇尖.
放大左邊睇下啦.
遠眺萬宜水庫.如果大氣清一點,景觀仲會好些.
開始落山啦...一隻跟一隻.
最後沿馬路行返上去清水灣道完成今日的行程.
相關網誌: 小狗愛漫遊