20090930的晚餐

因為明天會煮一大堆餸,所以今晚都冇乜好選擇,去到街市見到有啲羊登胡大雜蟹就買咗兩隻返來食吓啦.同場加映第一次整的瑤柱柚皮,質感可以,但下次都係用番上湯或鮮製鯪魚湯會好啲.

唔知今日仲乜好想食凍嘢,咁甜品就用H牌曲奇忌廉加Baileys再加白朱古力豆.

20090929的晚餐

星期六都要開工,仲要係六點半先走得,攰到唔係好想煮就同外父一家出外吃晚飯,好耐都冇出去食飯啦,呢個組合當然又係食中式啦.土瓜灣都冇乜好食啲地方,最近都走咗去欣榮.啲餸名都唔記得咁多啦,只知道啲餸唔係好熱,同埋飲咗一碗味精湯.

20070928的晚餐

是日又出咗街一日,曬到濃咗,人地就夏天去游泳曬到一身都係tan色,我自己就秋天先曬到幾十節色.

今晚整啲唔洗用腦嘅餸,原因係阿媽學緊電腦就要玩電腦,咁咪要自己出手砌部平機囉,原來都有幾年冇砌過機啦,啲新嘢差啲唔識接駁,睇完一輪說明書都係唔明,最後都是旦駁咗先啦,最多T&C時改正返.攪咗3個鐘終於可以上網,呢篇BLOG都係用部新機打.

講返是日晚餐就有啲新買嘅全麥意粉,幾隻雞翼,炒椰菜同一啲冷盤小食牛展及冬菇.

地方菜乙之二

今晚又去睇咗兩個餸點煮,菜心獅子頭及芝麻蝦.

由於助手冇上生粉,所以隻蝦卷起咗

.

20070926的晚餐

今日行完360,冇乜體力去煮飯,於是就整啲最簡單啲日式農家菜,散壽司.

昂平360 Part 2 (加相)

自從上次昂平360 Part 1唔成功之後,一直都想搵日再戰呢條咁特別的行山徑.今次唔再重裝備,只帶一部DC仔,食物及飲料就上路啦.一行四人從東涌市中心出發,沿舊路再登山.

今次去到東涌時遇上水漲,啲水差兩呎都唔夠就到行人路.

去到侯王廟就遇上侯王廟會,搭晒棚做神功戲,不過冇時間入去睇,轉左繼續上路.

再經過上次的一段路後終於到達300m高的第三號塔,今次呢段路都係冇乜太陽,但有少少風,冇上次咁辛苦.

第一次踏足木板路...

經過兩年有多的風吹雨打,條路依然冇乜損壞,證明之前有些行山人士吹水話呢啲木材路好快會侵蝕晒,又話政府乜乜物物...其實呢種路係外國都唔係新事物,雨林都可以用,我睇唔到點解呢度用唔到...

睇啲木材應該做過防蟲處理,同埋啲金屬部件都係用stainless steel或做足防銹處理,應該有排用的.

回望三號塔...

始終都仲有啲煙霞,東涌個景唔係咁靚.

有些位置都幾直.

都唔知邊個裝置呢幾個輪的...

行咗一半左右天氣轉好,好猛太陽...好高的塔...

鳳眼果上的紅螞蟻.

全程最斜的一對樓梯.

扶手上有坑紋防滑.

纜車轉向站

守住纜車轉向站的其中一隻狗.

最後一個纜車塔(7號).

大佛及鳳凰山.

門可羅雀的市集.

More Photos

 

20070924的晚餐(西餐第二堂) (網誌200)

是日餐湯:波士頓蜆肉周打湯.

主菜:燒羊脾.

配菜:布朗薯仔.

自己煮的湯,杰身咗少許,不過味好濃,由於未食飯,所以落多啲梳打餅.

羊脾係用餘熱燜熟個種,肉質好腍,下次自己整可以參考一下.

20070923的晚餐

今日晏晝冇去買餸,結果係夜晚走咗去吉X島買餸,行咗兩圈都唔覺有乜餸好買,忽然記起有個網誌講Chicken Roulade,於是就買咗件雞腿肉返去啦.點知搵唔到啲紗布去包件雞卷,唯有用微波爐保鮮紙去包再加繩扎成形狀,咁就唔拍煮完走咗樣啦.

完成圖.

再加啲辣辣牛展,就係因為整呢個辣牛展,所以下晝冇時間去街市買餸.整完發覺個汁辣過頭,唔可以用來上枱用,但又唔夠材料整多個甜啲嘅醬汁去平衡返個辣味,於是就咁食住先啦,星期二再整過個汁食.由於浸的時間唔係好耐,都係得表面入咗啲辣味,食時連同中間部份一起食就啱啱好啦.

我倆都唔喜歡這種雞皮的質感,既不脆口又不爽口,如果可以起咗啲雞皮,入面再加啲芝士補充返啲油份相信會更加好食.