20090228的晚餐

食梅窩食完"午餐"都已經四點幾，船駁船駁車返到屋企都係用咗一小時廿分鐘。

咁就夜啲先再食晚飯啦，十點半開始整，十一點有得食。

是日晚餐：芝士蕃茄焗肉丸意粉。今次個蕃茄醬除咗正常的罐頭蕃茄、飲用的茄汁、茄膏及茄汁之外，再加咗少量鯷魚及釀青欖落去煮，而芝士都係Mozarella及巴馬臣。

生態大追擊 未到驚蟄都開口(不喜勿入)

係離開神學院之後繼續上山的路程之中，忽然聽到有幾下悲鳴，依聲音方向去搵一下，起初以為係啲小鳥係草叢叫，點知見到一條蛇咬住一隻樹蛙。

手頭插住枝28-70，就當然映咗先啦。之後比條蛇發現咗，即刻反轉個身向著我方向。換咗枝百微先發覺好暗（仲要唔夠近），推到ISO1000都唔係好夠光，要用定力搭夠，行到氣來氣"斷"要開1/20秒都仲映得咁清（Crop咗相的）。

就係咁隻小青蛙消失咗係呢個世界上，跟住條蛇轉個身就走咗去

由於我唔肯定條蛇有冇毒，都係搵啲樹枝野掟下佢就算，小青蛙安息啦。

呢條係紅脖游蛇(Rhabdophis subminiatus helleri / Red-necked Keelback)，屬於爬行綱(Class Reptilia)．有鱗目(Order Squamata)．蛇亞目(Suborder Serpentes)．游蛇科(Family Colubridae)．游蛇亞科(Subfamily Colubrinae)。香港其有33種游蛇，只有6種有毒，只有紅脖游蛇的毒液可以致命，但由於它的毒牙位於後方，因此致命的個案很少見。

紅脖游蛇屬於中至大型蛇，全長70-110cm。軀幹橄欖綠色，有零散黑點，頸背軀幹前方有闊大紅斑。捕食兩棲類及魚類，最愛吃蛙類，對人類無攻擊性，在香港十分常見。

而被吃的蛙是斑腿泛樹蛙(Polypedates megacephalus / Brown Tree Frog)，屬於兩棲綱(Class Amphibia)．無尾目(Order Anura)．樹蛙科(Family Rhacophoridae)。廣泛分佈全港各區，極之常見。

再睇返個月曆，仲有幾日先到驚蟄，咁快就開口

愉景灣至梅窩

太清早起身冇波打，因為大佬未退燒．．．

訓多陣食完個早餐見個天都可以，再睇埋天文台全港的實時映像，諗咗兩個地方唔洗上咁高，可以避開啲雲層，地點就係長洲或愉景灣至東涌經梅窩。一輪相討之後，都係去大嶼山好啲，主要原因係條路未行過。

去中環搭船去愉景灣，船費係$27，時間約廿五分鐘左右。

咁大個人都係第一次去愉景灣。

行咗一少部份就開始上路啦，因為個天氣唔係咁穩定，驚遲啲落雨就唔係咁好玩啦。稔樹灣。

途中見到有田園，有人入去摘緊菜，不過都係唔買啦，唔知之後玩幾耐。

樹上的貓。

海上捉魚的鷹。

沿途路牌都好充足。

轉上車路之後就有好多十字架掛係樹上面。

洋紫荊正盛開。

終於到神樂院啦。

經過呢條橋就可以去到教堂啦。

左右各有一棵盛開的洋紫荊。

簡潔的禮堂。

跟住繼續依路牌上山。神樂院的位置約在海拔一百米左右，而山頂上的亭就大約二百四十左右，上的時候都係水泥斜路。

本來打算係個亭入面食生果的，但係太大風，映咗張全景相（見Blog主頁最底的全景相）之後就高速落山啦。

之後就開始下梯級的旅程啦。

下降到水泥斜路隻腳開始有點軟，因為有啲梯級都幾窄，落的時候都要側身而下。

唔好諗住落完梯級就好輕鬆，仲有兩段急斜水泥路行，不過都係好細段啫。

行到去梅窩，時候都唔早，決定唔去東涌啦，去搵啲野食啦。大啤一枝。

例牌的椒鹽鮮魷。個炸漿就真係唔好食啦，但係條墨魚就超新鮮，當油泡咁食啦。

小炒一碟。炒野比炸野好食好多，起碼最基本的鑊氣夠，仲有好多腰果，油份比較多就係必然的。

炒貴刁。實際上係一碟星洲炒河粉，唔理個名字係合格的。