是日係岳父生日，又係除夕夜，當然又係食食食啦．今日五點左右返到屋企，又開始整整整啦．
以往幾年都係外出買日本過年餐盒套裝，今年由於訂唔到，就試下自己整啦，其實大部份都係散買回來，只有小部份係要煮的．
上起醬油冬菇，栗子番薯茸及荀片．
上起黑豆，左伊達卷，"松"日式魚蛋及普通日式魚蛋．
上左起昆布卷，沙丁魚，野菜什煮及數之子．
盒子係以往兩年買餐盒留下來的．只有醬油冬菇，荀片及栗子番薯茸係自己整的．
再加一個相撲鍋，內有腐皮年糕袋，豆腐，大蔥，什菇，豬肉丸，雞肉及芋絲，之後再加春菊．
老婆自己買咗隻肥雞返來，起肉都花咗唔少時間去肥．
鯛魚煲仔飯．
冇紅肉就加多件羊扒啦，不過返屋企先記得未洗焗爐，又洗咗幾個字先有得用．
食日本野當然要飲日本酒啦．
最後係龍島拿破崙蛋糕配香檳．
咁就過咗一年啦．
是日都好早起身,不過就成身散晒,昨晚個餐都仲未消化完,學Anson話啲鮑魚啲after taste仲係個口中
.
早餐都冇食,下午去咗黃埔食擔擔麵,夫妻肺片及大千雞.
擔擔麵都係傳統個隻好食啲,改威良版就唔啱口味啦.
夫妻肺片啲刀功好好,片得好薄,酸麻辣都有.
大千雞就冇咗甜味,唔係咁好食.
今日係大小姐出閣的大日子，係呢度祝十二月麥生麥太百年好合，永結同心，白頭偕老．．．再一次多謝大小姐請我倆食咗一餐豐富的婚宴．
今早五點五十分到咗大小姐屋企，有兩位姊妹已經化緊妝，自己又未進入狀態，所以都係遊咗一陣先開始影相，最重要係食埋伯友啲美味蘿蔔糕先開工啦
．影咗一大堆相，都未有時間處理，揀幾張出住先啦．由於啲相未給大小姐過目，所以有十二月麥生麥太啲就唔出啦，出Blog冇理由冇相的，借十一月麥生麥太的合照用住先．
個教堂就好靚啦，不過好暗，同埋啲色溫個個位都唔同，都係用閃好啲．
夜晚就去咗大會堂美心飲，廷開五十席，從此知道飲完來係咁的．
十三吉祥，上半部我都有份做的．
隻豬幾好食，Bingo仔呀，不過毛色似阿肥多啲．
唔好睇面頭得幾粒瑤柱，中間下面全部都係，豆苗就得少少．
呢個菜係全晚"最差"的一個，啲蝦仲有梳打味
．前一味係瑤柱，下一味係帶子，個配搭有啲問題
．
由於放緊片，所以分好咗先記得影．
這是翅來的嗎．．．
，從來只有水多過翅，點會有翅多過水的
第一次去飲食海虎翅．
呢條都算細個條，所以係趺咗落枱面
．
又借十一月麥生麥太來做model.
這是什麼來的，鮑魚是也，又話係鮑角，典解變咗厚片的
．
十一月麥生麥太的表情已經告訴一切，冇記錯應該係車輪鮑．
好大的魚一條，八個人點食呀．．．
整得好靚，不過大家開始飽啦．
隻鮮雞整得幾好食，不過已經頂唔住啦．
水餃都可以啦．．．不過食唔到味啦．
超美味糯米飯，荷葉臘味香味一流．
最好味的甜品，鬆脆美味．
第二失敗的作品，唔夠鬆．
唔識講啦，好味．
十一月麥生食完仲要話游水返TKO．
