本來打算早點回家，結果又係八點幾先返到屋企．．．
快手用炒個雙蔥羊柳及菜芯。羊柳用甜麵醬加洋蔥及青蔥炒，味道都幾好。
2009年7月31日 星期五
2009年7月30日 星期四
2009年7月28日 星期二
2009年7月27日 星期一
20090727的晚餐
今晚打算早啲返，點知都係八點先返到。
唔夠時間醃條黑鯧魚，唯有開多幾刀來醃。用洋蔥、薑茸、胡椒粉、辣椒粉、魚露、砂糖、桂林辣椒醬、幼鹽及味醂來醃咗半個鐘多少少就煎啦。
繼續用個平底鑊來煎，今次好好多，底個面靚過呢邊，不過再反條魚就散啦。
另外又試下用豆瓣醬（因為冇XO醬）去炒蝦乾及絲瓜，今次只係用浸蝦乾的水去煮，食完啲瓜都冇出水
。
「廚餘」轉化肥料僅需四周
(星島日報報道)別以為吃剩飯菜很普通，積少成多卻為堆填區每日生產逾三千公噸廚餘垃圾，造成污水及臭味等環境污染問題。
轉化機造價不菲
生產力促進局與廣州農業大學合作研發「高效率廚餘轉化系統」，能把廚餘轉化成有機肥料，過程中更不會釋出惡臭及污水等污染物，只需三至四個星期便能把食物殘渣量大幅縮減七成，並轉化成農業用肥料，較傳統分解需六十至九十天更快。
生產力促進局環境管理首席顧問王小偉表示，工商業每年產出逾二十六萬公噸廚餘，能生產約八千公噸有機肥料，「以每噸約一千二百元出售肥料，能為香港帶來一億元產值的市場。」但由於廚餘轉化機造價不菲，平均一部能處理二十公斤廚餘垃圾的廚餘轉化機，價值約十五萬元，加上推廣未普及，暫時只有一大型公園內的餐廳及內地一所港資工廠使用。
綠領行動總幹事何漢威認建議政府應把廚餘垃圾中央處理及訂立收費政策。他表示將於三年後落成的小蠔灣堆肥場亦僅能應付全港一成廚餘垃圾，政府應效法台灣推廣住戶分類回收計畫。
*************************************************************************
呢樣一定要係小區實行的，遙遠的運輸只會帶來更多問題。
2009年7月26日 星期日
20090726的晚餐
係赤柱行咗陣，都已經四點幾啦，再坐返架巴士落北角碼頭，見有斑馬賴尿蝦賣，二隻都係九十蚊。
切開兩段上少少粉，最後變咗做濕粉，炸至熟透，用牛油加美極回鑊。
放上用蝦湯、蘑菇、蕃紅花及洋蔥煮的Risotto，炒碟菜又一餐啦。
上次啲斑馬賴尿蝦用湯煮出來啲肉比較削，今次試下用炸的方式去收緊啲肉及濃縮個鮮味，效果幾好。炸好的蝦一定要去油去得好清先可以上牛油及美極的味道。
係街市買咗啲車厘子回來，揀啲冇咁靚的出來煮甜品。
好耐冇玩的放火遊戲，藍藍地個啲就係火啦。
放係杯底。
加啲Rum Rasin雪糕。
無無聊聊又一天
今早起身都成十點鐘，食完早餐Hea咗陣又係食午飯的時候。出咗尖東食兔角四國料理。老婆本來叫另一款的，不過今日冇得供應，結果又係食貪心的套餐：親子丼及吞拿魚茸丼加凍烏冬。
我就叫咗個燒三文腩及魚子飯，有一小份炸雞。三文魚腩燒得好好，如果唔係啲鯹味就好出啦，不過三文魚子就鮮度唔夠，但又未到變壞個種。星期天去尖東食都會有呢種現象。
老婆的評語係好道地的日本平民菜，因為份量多，呢個價錢比灣仔的更平。
食飽之後就去咗坐架遊覽巴士線973，坐咗個幾鐘先去到赤柱，乜冷氣都嘆夠。
係赤柱廣場行落去。
棵榕樹好大。
上一次來赤柱卜公碼頭都仲未搬入來。
現在的美利樓開始有返啲味道。
入面好多磨Dell映緊相。不過原來好多攝影人都唔識用塊反光板的
對呢個碼頭的印象都冇乜，以前係中環時頂層係好似有間小食店的，呢個Look真係冇印象，最記得就係第一年放煙花老竇帶咗我來呢個碼頭睇。
2009年7月25日 星期六
20090725的家常便飯@TKO
四點去街市買餸，搭部297入TKO，去到乒乒都成六點鐘
。
今晚煮咗韓式辣醬醃翠玉瓜，即醃個味係表面；芥蘭炒牛肉，唔慣用明火煮，炒唔掂啲芥蘭；凍蟹，大個隻唔係咁足肉，不過就好鮮味．．．
金蒜蒸貴妃蚌，肉細但好鮮味。
干燒大蝦，唔攪個醬，用咗師傅醬去煮，木子牌的比較甜。
行開味道就順手買咗兩件玩具返屋企
。
20090725的午餐
夏天的中午都係冇乜胃口，出街又唔知食乜，都係係屋企食冷麵。不過今次啲餸多到成個碟面都係
，有蟹柳、八爪魚鬚粒、青瓜絲、蕃茄、蛋絲及牛油炒粟米粒，麵汁都係用日本梅子加壽司醋但唔加辣。
食完一陣就去搵乒乒啦。
20090722日偏食@HK TST後記
忙咗幾日，今天終於有時間整理埋啲日食相片及計算。
由我的土法觀測及計算，食甚時間約在九時廿五分至廿六分左在右（冇對準時間），計出來最多的掩蓋面積比(Eclipse Obscuration)為0.6954，而最大食分(Eclipse Magnitude)則是0.7473。
下圖的數字是掩蓋面積比。
下表則是上圖相同位置的食分：
| 0.5211 | 0.5392 | 0.5662 | 0.5832 | 0.6089 | 0.6357 |
| 0.6461 | 0.6546 | 0.6825 | 0.6950 | 0.7082 | 0.7161 |
| 0.7169 | 0.7214 | 0.7307 | 0.7327 | 0.7410 | 0.7382 |
| 0.7403 | 0.7414 | 0.7420 | 0.7473 | 0.7420 | 0.7402 |
| 0.7417 | 0.7393 | 0.7365 | 0.7356 | 0.7311 | 0.7300 |
氣候的變化可參閱天文台的觀測：天文台今日在日偏食期間的觀測
2009年7月24日 星期五
晚膳@妹記大排檔及糖仁街
今晚老婆外出用膳，自己忙咗一星期啦，一個人都唔想煮，於是搵埋大小姐及蜜蜂伉儷一齊出去食。
由於蜜蜂伉儷個Le Creuset印咗係Creamy個Pat Pat處，今晚食平啲，咁大小姐就去開飯度尋找字串大牌檔，結果係去九龍城或尖沙嘴，九龍城太遠及上星期又去過食泰國野，近近地尖嘴啦。
妹記本來係金巴利街市的，後來搬咗去金巴利廣場。忙完一天上返個網睇食評，結論係新不如舊，不過之前都冇食過，咪又去試下囉。
四個人叫四個菜試下先，其實係張枱細，叫多樣都放唔落
。
叫咗個招牌菜「鬼馬油炸鬼」，返炸個油炸鬼好油，係我自己炸的四倍含油量，釀入去的墨魚滑鬆散冇彈性，百佳買返來的墨魚滑都冇咁差。
鋼鍋雞，勁多菜，隻雞應該好細隻
，每人都可以搵到兩小件多骨的雞肉，但其中兩隻仲要係雞翼尖，仲有少少筍片及雲耳啦。
南乳豬手，各國的燒、炸、焗、燜豬手都食得好多，第一次食到咁差的。豬肉係冇味的，骨就炸得好脆口，但係皮就．．．腍的．．．連應該最重味的炸蒜粒都係得少少味．．．
飛天通菜，係唯一一碟可以煮得好過我少少的菜式，始終用家用的電磁爐幾大火力都比唔上炒爐啦，仲有佢肯落油。
食咁多炸物當然要啤啤佢啦。
食完四碟餸當然係唔夠啦，加餸不如去食甜品。行過兩個街口去到食街試下啲雪花冰，熱咗成個星期都係時候要散熱啦，叫咗份宇治今時。
個冰就幾好食，茶味夠、奶味唔會過重，甜度都唔會太濃，今日食都幾啱，伴碟的就．．．紅豆硬、仙草凍和椰果的味道跟個綠茶雪花冰根本就唔配合，只不過係將呢兩樣食材放埋係一碟咁。
19改善空氣措施 助港人延壽1月
【明報專訊】環境局昨就19項改善空氣措施及空氣質素指標展開為期4個月公眾諮詢，估計若落實所有措施，除節省能源成本，更可避免4200宗入院個案，令人口平均長壽1個月，社會每年獲12.28億元經濟效益，相等於社會成本的兩倍； 但當局未有就各措施定下時間表和實施方法，只強調市民需付出代價，環團批評政府無訂時間表，未見承擔和決心（見另稿）。
強調成本高 市民需付代價
環境局於2007年聘請顧問檢討本港空氣質素指標，及為達到新指標而推出的排放管制措施。顧問共提出36項建議措施，其中19項乃第一階段措施，其中較影響民生的包括﹕
■把天然氣發電比例由現時的28%增至50%；
■提早淘汰歐盟二期或以前的商業柴油車輛及巴士；
■重整巴士路線；
■在繁忙地區如旺角銅鑼灣中環等設低排放區，即禁止歐盟三期或以下標準的商業車輛進入；
■設立行人專用區，部分區域禁車時間延長至24小時；
■加快引入電動車。
文件強調部分措施成本較高，市民可能要承擔代價，如把天然氣發電比例增至50%或以上估計會令電費分階段上升兩成，而若在2014年底前淘汰所有歐盟一及二期巴士，巴士車費將單年增加約15%。
但政府消息人士指有關數字只屬估算，實際代價需考慮多個因素，如業界的投資金額、實施時間及標準等。消息又強調，19項措施不是「用錢便可解決」，當中涉及政策甚至法例修訂、生活習慣轉變等，「如重整巴士路線，可能會令市民不便，但不需增加額外成本」。
文件無提實施時間表
文件羅列各措施成本，但無詳述政府、業界及市民如何攤分，亦無講述實施時間表。消息人士解釋，部分措施已推行，其餘措施需視乎公眾接受程度、技術可行性等，會與公眾及業界商討後，才決定實施時間表。至於政府會否提供誘因，要視乎諮詢結果再作考慮。
新巴、城巴表示，分別有83%及60%的巴士具備歐盟二期或以上引擎，早前曾承諾在2014年底前，將全線車隊更換至二期或以上，強調有關成本不會轉嫁市民，但會否加車費仍取決於政府會否落實其他條件及相關時間表。
九巴表示會研究諮詢文件的建議，又指車隊中逾1200輛巴士屬歐盟前期及一期，已全部安裝減排裝置；歐盟二、三期有逾2500輛，現時加裝減排裝置仍在進行，完成後全部會符合4期排放要求。
港燈和中電均表示會提交意見，至於會否加價則言之尚早，還要考慮其他因素。對於增加天然氣發電比例，中電預期可於2013年達五成。港燈則指現時天然氣發電比例為一成半，明年會增至三成，至於何時增至五成，則視乎天然氣供應及機組。
■第一階段19項改善空氣質素措施：www.epd.gov.hk/epd/tc_chi/environmentinhk/air/air_quality_objectives/air_quality_objectives.html
****************************************************************
好高興局長終於可以量化啲數字比大家睇，雖然唔知有幾準，但大家都可以自己睇下環境污染跟健康成本的關係如何．．．
呢個世界冇免費午餐的，濫排及浪費係要成本的，只要大家適量消耗，根本唔需要理會要用多幾多錢．．．
記得菜菜子當年係一個噪音研討會向環保署的人講過，無論政府提出乜野新改進，作為立法會的她一定會要求更多，叫佢地繼續向前就得啦，唔洗因為其他批評而退縮。幾年後的今天終於見到成果啦．．．
■把天然氣發電比例由現時的28%增至50%；
－呢樣有點保留，天然氣發電可以減排，但係唔係需要搵一樣更長遠的可再生能源去代替化石燃料呢。需知發電公司有利潤管制，利潤依投資額去計算，天然氣玩幾年又轉另一樣新技術，成本係會變成利潤，最後係大家付鈔。政府可以做的係用稅務優惠去引導電力公司去使用可再生能源的。
■提早淘汰歐盟二期或以前的商業柴油車輛及巴士；
－按年增加舊車的稅項，增加更換的優惠就可以加快啦。
■重整巴士路線；
－呢樣就一定要啦，繁忙路段好多巴士係重疊的，中途上車的行同一段路會收唔同價錢，根本唔能夠充分利用各班次的載客量。
■在繁忙地區如旺角銅鑼灣中環等設低排放區，即禁止歐盟三期或以下標準的商業車輛進入；
－呢個係車多的根本問題，實行咗可以加快換車的誘因。
■設立行人專用區，部分區域禁車時間延長至24小時；
－成效存疑，有些車輛的載物始終要入那一個地區的，措施只係將污染物轉移去鄰近地區。
■加快引入電動車。
－咁咪要加大發電廠的產量，究竟那一個污染排放量比較大
。
新空氣指標被指未夠嚴
【明報專訊】本港現時的空氣質素指標自1987年沿用至今，環境局建議更新指標，當中7種受控制的污染物中，3種如二氧化硫、可吸入懸浮粒子及臭氧會採取世衛的中期目標，並加入醫學研究指對健康影響較大的微細懸浮粒子（PM2.5），以收緊排放上限，但有環團批評當局未採用世衛最嚴謹的「最終目標」。
世衛於2006年發表新空氣質素指引，部分國家空氣污染水平遠超指引建議的水平，世衛提議在達到指引前，可先以中期目標1至中期目標3（數字愈大愈嚴謹）為減排標準。
多採世衛中期目標
環境局建議的新空氣質素指標，其中二氧化硫、可吸入懸浮粒子、微細懸浮粒子（PM2.5）及臭氧皆採用世衛中期目標。消息人士解釋，二氧化硫主要來自發電廠，在已鼓勵安裝脫硫裝置及與兩電設減排目標等措施下，相信進一步減少二氧化硫的空間不大。至於本港的微細懸浮粒子（PM2.5）排放佔整個珠三角區約1%至2%，區域排放的影響較大，遂先以中期目標1為基準。
全球至今未有任何國家全國採納世衛空氣質素指引作法定標準，消息指本港無為全面達標定下時間表，只稱在推行19項措施後，再配合內地管制空氣質素措施，本港便有望達到新空氣質素指標，當局最少每5年檢視指標。
*******************************************************************
最嚴謹又如何,如果冇有效的措施去減排,呢啲數字根本冇意義...
減排係成個社會共同承擔的,決一不可...
樣樣都想一步到位,受害的只會係大眾,定立咗一個共同的目標,慢慢行就有機會去得到,目標定得太高,社會的阻力會好大...
如果現在用世衛的最嚴謹標準,日日都超標,我相信好多人都唔洗開工啦
訂閱：
文章 (Atom)