老婆日本公幹後帶咗四款生果回來,全部都係「完熟」的,即係樹上熟,唔係出口的將啲比較生的水果「焗」熟,咁先至可以食返個原味,南韓及日本都可以生產出一啲高水準的水果,唔知大陸幾時先可以大量生產一啲比較有品質特性的水果呢
放晒入雪櫃,就手咁拿來當早餐吃,一天一個加多一塊多士都夠晒飽。
大蘋果都係廿蚊一個,跟香港買到的細號富士一差不多大。
豐水梨,肉質軟,糖份及含水量高。兩款水果的核心部份都好細,「實食」率好高。
日本天氣乾燥,等老婆做護膚時見有大舊的頭段蓮藕賣,屋企仲有少許糯米,於是買咗一根返來整桂花糖藕。
糯米浸水個多小時,洗淨蓮藕後切一少段出來做蓋,將糯米釀入孔內至八成滿,蓋上後用竹籤固定蓮藕蓋。加水煮二小時,再加二湯匙份量的冰糖煮半小時,最後加二湯匙的桂花糖開蓋煮至濃稠,其間要不時轉動蓮藕。
放涼後就可以切片,正式係要沾好多糖漿的,不過現在唔食得咁甜,只係薄薄一層糖漿就覺得好夠。
今晚煮咗個海鮮意大利飯。用急凍日本生蠔,魚生用的章魚腳及帶子,急凍什錦海鮮,雞油菇及乾草菇,加雞湯去煮。
上湯浸皇帝菜。