20071020的聚餐

出完去影相後又幹第二場啦,是日主角係大閘蟹,不過都會有前菜同配菜的.前菜就係白切肉伴粉皮,個汁油咗少少,下次啲麻油要減半.

由於個蒸籠唔夠大,只可以一次蒸六隻,不過始終用意大利的balsamic vinegar會好味啲.

中間仲有條蒸魚出場,不過要準備下面個四件豬扒,所以冇食到同冇影到.

呢四件係美國的一級豬扒,買個陣只知道佢貴,但唔知每件都好似牛扒一樣大,諗唔到點整好,就將佢地一分二,一半用青胡椒汁煮,另一半就用中西式醃製配肉桂蘋果粒.

最後加一碟炒絲瓜,不過原來啲魚露得返少少都唔知,要加豉油來煮...