Lesson ONE

我很醜，但好好食．好似Bingo & 肥肥．

今日冇野做，就攞本日文書出來跟住玩．由於份量太大，於是將份量減半．

書中保溫櫃的設定為28~32度，濕度為65%．今日室溫濕都差唔多，唔洗開焗爐發啦．

書中要用中力粉，係高筋粉同低中筋粉混合，自己計咗一輪，最後用25%低筋粉(7.8%)及75%的高筋粉(12.8%)混合．書中強調鹽一定要用比較好的天然鹽，不要用化學鹽．而我就用法國海鹽磨碎．

中力粉500g；水340g；鹽10g；新鮮酵母6g；麥芽糖1g；老麵75g(改為50g,因為用剩50g)．

將粉加水用慢速混合．

至畸為起筋為止，等15分鐘左右．

另外酵母用三倍水開好加入少量糖，等約20分鐘．

將麥芽糖及酵母加入麵糰內充分攪拌，再加入鹽攪拌好，蓋上保鮮膜發酵九十分鐘．

之後再弄成光滑的形狀再發酵九十分鐘．

原本要分成350g一分的小粉糰，但整份都只有九百左右，於是分咗兩份．休息三十分鐘．可能我之前搓得唔夠身，仲有少少粘手，於是做咗一輪修正先可以弄至成形．又由於屋企冇適合的長架去定形作第二次發酵(50分鐘)，所以外形有點怪．都仲未掌握到用刀片開坑的技巧，所以都係開唔到坑，只係得條痕．

文中要上火250度下火220度焗至有蒸汽出就將上火改為240度焗25分鐘．不過我家的是普通焗爐，用250度開始再轉230就算啦．

呢個包介於法包與意包之間的種類，外皮似法包，入面就似意包，好好食．我相信如果開頭跟足啲唔洗後期做修正的話一定會更好食．