拍足一天(更新完成)

(呢張相都係多謝Lawrence Tsang係外影時段借咗部Canon 1DsMarkII比我用，加埋自己最喜愛的一枝鏡，差唔多直出的效果．我好懷念用一系的感覺呀)

　　20060602的午夜前返到屋企，影咗咗成日相，成個人散晒．．．

　　今日一早四點半起身，食個包，飲杯咖啡，五點多少少出門口，聽四點半新聞仲話有雷暴警告，不過出門口就冇雨，但一去到車站就即刻落大雨．．．

　　五點八個字去到蘭桂芳酒店，點知新娘子及伴娘都仲未起身，連morning call都要做埋．．．

　　五點十個字，化妝小姐(Elaw)都到埋，等多一個字，新娘子終於準備好，可以上樓啦．呢間酒店好特別，由於鄰近蘭桂芳，太多醉酒人士，升降機要用卡先可以開啟，初初唔知以為要住客帶先可以上去，後來先知道可以叫櫃檯的服務員通傳，待電話確認後就會幫你啟動升降機．．．

　　六時許，天開始光，半山的雲層開始消散，終於可以鬆一口氣啦．．．

　　六時半，一批專業的攝影師來到啦，一行三人先到女家，另一個由男家出發，地方開始有點擁擠．相比起半年前的那一次，今次的地方略為細少了一點，雖然話細，整間房都有九百多呎，但要容納三十多人始終有點．．．

　　今次的工作人員組合跟半年前的差不多，專業的化妝師，專業的攝影團隊（加埋我這個攝影B），飲宴地點都是一樣，變的只是上次的女家變成了今次的男家（上次的新娘子升格成為了大姑奶啦）．．．

　　七時左右，姊妹團及女家的親友開始到來啦，房間的氣氛亦都越來越熱鬧，空調系統也開始吃不消．．．

　　八時半左右，男方開始到達酒店啦，經過一輪角力之後，當然又係接到新娘個種啦，斟茶，合照之後，一大夥人又開始向男家出發．．．

　　十時左右回到男家，之後就進行一場馬拉蟲式斟茶儀式，真係辛苦一對新人啦．．．

　　吃過午飯，新娘換上婚紗，轉好妝約一時左右就出發去外影．外出時天氣都唔係咁好，陰天炎熱同冇風．係高街跟兄弟姊妹們拍攝大合照，之後就再去香港大學及藍屋影相．今次跟埋去外影的目的都係跟啲大師學外影，睇下點將書本上看到的理論應用在實際的拍攝上．即日外影係一個好困難的攝影題目、環境、天氣、光線都唔能夠係事前掌握，要到當地先可以知道，總之一切都要隨機應變啦．．．

　　四時前回到酒樓，一切都在準備中，約五時半左右所有佈置完成，一對新人又開始做佈景板的時候啦，而我又四周維搵野影．．．

　　八時半開席，十時半散席，十一時半離開．．．

後記：

　　全日共影咗十七個小時，都算係最長紀錄之一，當然唔係每秒都按快門，但有七成時間都拿住部相機的．第二天隻右手都有點酸痛，不過今天都冇乜事啦．

　　影咗共一千張相左右，好多都係連拍的，以往經驗應該有六七百張左右要得的．唔知最後要多少時間先可以執完啲相．

　　最後祝一對新人白頭偕老