20080609的晚餐

天氣悶熱，最好都係整啲消暑野食下，冬瓜盅、豉油雞及tako wasabi.

半隻豉油雞，加兩份雞心同雞腎．

日本帶返來的青芥末八爪魚．用鮮青芥末的葉加八爪魚醃成，青芥末帶出八爪魚的鮮甜味，好好食．

今日去街市買咗兩隻雞，呢度係其中一隻，兩雞四吃，今日食半隻先，餘下的都會用不同方法去處理，呢半隻用咗之前用剩的豉油汁去浸．平時我都好少買鮮雞的，點解會買咁多雞？因為有機會係最後一次食到新鮮雞啦，再有冇新鮮雞食都要睇下搵唔搵到啲走私雞來源，如果搵唔到的話可能會實行中央屠宰，到時就冇活雞買啦．

行開街市忽然好想整冬瓜盅，買咗個細冬瓜返來，開頂、去瓤、刮少少冬瓜肉出來．

另外之前浸雞的水再加上啲頭頭尾尾再煲，去渣去油後再加入冬瓜肉、火腿肉、浸乾草菇及牛肝菌的水濃縮而成上湯．

最後將火腿肉切片，將蓮子、黃耳、乾草菇及牛肝菌粒放入冬瓜內，再注入上湯，用壓力煲煮四十五分鐘．排壓後再加入一隻切片的大帶子便成．

今日見到啲楊梅好靚，買咗三磅返來浸酒，好似仲差少少，明天一早再去買多少少返來加入去．