20080601的晚餐

等了半年的一餐，本來老婆都有份，不過她要在星期一的上午係大阪總公司開會，所以冇得食啦．由於要不時去影相，所以鮑魚之後都係再食多個荷葉飯就算啦．

得一個人，又要影相，坐邊度都冇所謂．原本安排坐男家兄弟個檯，但係十二個人比較擠迫，最後因女家有一圍得十個人，就坐咗去個檯啦．就係因為咁，所以冇好似上次咁每一碟都影一張相，怕得失女家就唔係咁好啦．

呢隻蠔豉我都買咗一斤返來吃，今次酒樓煮得比較硬身少少．

今次個海虎翅仍然係咁多（大家今年都可以安心去游水啦），但翅針就冇上一次咁粗啦，湯底的火腿味好突出，但個深度跟不上．

全晚焦點之二：原隻車輪鮑，用上一罐二隻的墨西哥車輪鮑（一般街上買到最大的車輪鮑都係一罐一隻半，但係半隻上唔到檯，所以要用上一罐二隻的包裝），外表睇唔到有乜特色．（註：是晚的魚翅及鮑魚的初步處理都係男主人家的同業泡製．）

但係切開放入口就感覺到燜煮的火候非常到家，比上次酒樓做的更好．肉質比較一般食到的罐頭鮑更緊密，接近乾鮑的口感．我都係第一次食到罐頭鮑魚可以做到這樣的效果．