今晚繼續雞雞系列，沙薑烤雞，奈良漬，明太子及炒椰菜．
呢樣係阪本小姐的好介紹，奈良漬係一個統稱，是指奈良出品的醃製食物，日文材料名叫白瓜，食味似茶瓜的質感，醃料用上米糠及酒釀．有濃郁的米香及酒香，送飯一流．但現在年青的日本人都唔喜歡它粘口的感覺．
半隻鮮雞用沙薑粉，蔥頭，蒜頭醃一晚，燒之前再用鮮沙薑汁醃片刻，烤焗時加上少少鹽使雞皮脆口．
再加兩條明太子送飯．
楊梅酒二大樽，今年的楊梅好大粒好靚，由於早幾個月前買唔到好的青梅，只好浸多啲楊梅酒，結果總共買咗十一磅楊梅（仲欠檸檬），最快四個月後有得飲．
昨晚食的和歌山蜜柑．
今日係city super 見到有好多種日本酒賣.
回覆刪除[版主回覆06/11/2008 18:24:00]其實我好少飲日本酒的 ,一年都係一兩枝左右.
我今日先知楊梅可以浸酒架.
回覆刪除[版主回覆06/11/2008 22:21:00]好多生果都可以,但唔係隻隻都咁好飲.