第一枝酒，玫瑰香檳，不過淡咗啲．
煙三文魚卷，今次用上Ricotta Cheese加時蘿，味道比Sour Cream更好．
從北海道帶回來的巨型帶子，直徑差不多有兩吋
，好鮮甜．
之後有燒鵝肝，不過失敗咗．
仲有一隻橙鴨，好味但太忙，冇時間影，用張原相當係啦
．
燒豬肋骨，今次醃一晚去汁燒至半熟後再分幾次上加咗楓糖漿汁，個醬好入味同好味．豬同鴨都係配Rhone的紅酒．
紐西蘭蘑菇一盒．
再整蘑菇忌廉湯，今次濃度啱啱好，不過每人都係得一碗．
北海道帶回來的明太子，配日本帶回來的白飯．
是日主角，聖誕蛋糕，配法國甜酒半枝．
仲有一味甜品係忌廉拌草莓及藍莓，樣子不太好，冇影到．
table for two???
回覆刪除好似好多嘢咁喎~
[版主回覆12/26/2007 08:57:00]係for six. ,由於廚房細,三味餸都要用焗爐,久不久又要同啲食物反身,都未停過,個橙鴨汁整唔到,失敗咗 ,好左啲肉都好入味.個爐頭又要煮湯同飯,攪到手忙腳亂.下次再整都係試一味新的食品好啦,唔係就出晒煙.
大 餐呀! 好多嘢食呀!
回覆刪除[版主回覆12/26/2007 09:03:00]主角都唔記得影.
你地好識食呀! 我都好想食tim. 你有無試過將煙三文魚+洋蔥粒+lemon juice來食呀! this is my favour. 你下次試下整來食.
回覆刪除[版主回覆12/26/2007 12:20:00]今晚又食過
煙三文魚唔係成日食,加檸檬汁就試過,用開個啲洋蔥粒好少生食,要買啲冇咁辣先可以生食.
HELLO, 唔好意思, 我想問煙三文魚係唔係全部都會可以即開即食咖?即係通常黑色袋包裝咖呢~ 有無d煙三文魚係唔可以即食咖? 唔好意思, d袋上又無寫, 但佢係唔係熟左咖啦?但仍然好似生咁o既色?
回覆刪除[版主回覆08/26/2008 00:31:00]我未見過唔可以即食的煙三文魚，一般超市買的都可即食，妳係凍肉店Order的就可能要解凍。通常片好晒又有真空包裝的都可以即食，如果成條又或者一大舊的就要煮，唔肯定的話就最好問一下店員啦 。
謝謝您, 但佢可以即食但係又唔係新鮮的, 會唔會唔係咁衛生啊?
回覆刪除[版主回覆08/26/2008 16:49:00]其實煙薰係保存食物的一種方法。要係劏魚之後即刻煙薰，之後再切片包裝及用低溫保存。揀選方法跟其中他冷凍食品一樣，只要包裝冇破損，如冇"谷氣"及肉色冇變成唔新鮮的顏色，在保質期內，衛生上都冇乜問題的，至少新聞未聽過。開咗之後最好一次食晒，唔好留就應該冇問題。
牛肉的顏色
謝謝您啊~ 牛肉果d我知啊, 同埋我知越深紅色的牛會越甜呢
回覆刪除[版主回覆08/26/2008 23:54:00](Empty)