昨日都唔係玩得好夜,半夜就返咗屋企啦,星期日都要訓到八點半先起到身,於是就出發去新界東北行山,但路線同目的地都唔知,只係搭咗架巴士去大尾督就沿住八仙嶺郊遊徑行,到接衛奕信徑個路口就缺定唔上山,因為大氣唔清但個天就好藍,上去都冇野睇,於是再沿橫七古道一直行,但沿途都係山林中行走,悶悶指數可以話去到四粒星
,我都未試過行山每十分鐘望一次錶...其實望錶個原因係啲光線問題,有點時空交錯的感覺
,當時係下午兩點打後,樹頂的光線好正常,係兩點個種光,但係從樹林中透出的那些光線好像是下午四五點個種黃昏日落光線,帶金黃色且照射角度比較低,加上沒有遠處的景物做對照,使人感覺上行了好長時間.在未到尤德亭因肚子餓的關係,於是轉去鹿頸食午餐啦,本來打算食飯的,但唔知點解生意好過頭冇飯食
,食咗碗粗麵同啤酒之後就沿鹿頸海岸行出沙頭角公路完成咗今天的行程.
相片未得閒沖,遲些再補上.
沒有留言:
張貼留言