20071111的晚餐續篇

今晚行完山返咗大埔食晚飯,由於早食的關係,九點唔夠就返咗屋企啦,昨日係Apita買咗一箱無花果少一粒返屋企,冇理由19隻都係當生果食的,於是又係個雪櫃搵咗包雪咗好耐的酥皮紙出來,點知由於時間關係,個摺位已經老化咗,唔可以再打開成一張,咁就張錯就錯摺成呢個形狀,加少許楓糖漿及雪糕就變成今晚的甜品啦.

有少少失敗的地方係啲酥皮紙好搶火,下次要試下先焗無花果再加酥皮紙.