家常便飯＠TKO

今早成九點九先起身，見個天咁樣，都係唔外出活動啦。

入咗TKO食午餐，去到寶林食烏冬，個烏冬就好得，其他就．．．

之後去咗厚德街市買餸，見到有隻大蟹，差少少兩斤，當然又係凍食啦。

個鑊唔夠大，要拔掉一隻鉗先夠放。

買咗啲豆卜返釀蝦膠，兩斤蝦都係得個一碟，廿粒左右，（C小姐炸的）．．．

呢排都唔見有乜好菜食，最後決定食苦瓜炒牛肉（C小姐煮的），加碟魚露炒菜芯苗。

傻乒今日冇乜啱佢食，只係得幾條仔的蟹肉。