20090321的晚餐

買咗新玩具當然要用即刻用下睇下有冇壞啦。

去街市冇乜好揀，見到啲大貴妃蚌就買咗四隻返來，用金蒜、料理酒、胡椒粉、鮮百里香、迷迭香及橄欖油去烤。

好緊張呀

有得食啦，加多碟臘肉炒芥蘭、泡菜及昆布。貴妃蚌再加多少少走過油的蔥粒，啲汁液已經好好味，如果用清酒會更好。

食緊期間再烤多幾條沙甸魚。

烤好啦，條魚好乾身，係大焗爐做唔到的效果，因為佢係上下發熱線一齊開，條魚唔需要反轉。

給肥肥送藥的。