上次寫咗啲基本拍攝技巧，當中有好多問題唔係幾十字就可以說明一切，要用圖畫來表示，而繒圖又會花幾多的時間．．．
今次就先講下我的拍攝程序，遲下有時間再每個細節講多啲啦．．．
拍攝器材：
一部有手動對焦及曝光調節功能的DC；
一枝穩固的腳架連雲台(波頭／三維都可以)；
拍攝前：
首先在家中找出相機在廣角端的Pivot Point，記下相機架相對的位置，出外拍攝時就唔需要再攪一大餐啦。
拍攝時：
選定好拍攝位置，先架好腳架，裝上相機架及相機，調較好Pivot Point之後，再調較雲台使全景架在水平面上旋轉，最後微調相機至垂直地面的位置。
將相機的ISO值設定為最低，如ISO100或以下；白平衡設定在合適的色溫上，一般在室外陽光或陰天都可以，室內就光管式燈泡又或者自設都可以，只要不用Auto就冇問題。
將曝光模式調至光圈先決，用最細的光圈，用相機的多範圍測光模式，如果唔係中午的話，就將相機向著與陽光成90度的位置上測光，記下快門值之後就向與陽光成直線的位置上測光，之後再向著陽光位測多一次，這時要作出決擇啦，如果最高與最低少於兩級，就用中間值，多過的話就要睇想要的效果。再將曝光模式調至手動，再輸入想要的光圈及快門值。這時要留意快門有幾慢，如果太慢的話就要用2秒自拍或用Remote去拍攝。
再手動調節好對焦點，有些有手動對焦功能的DC都會有景深尺的顯示，如果有近的物件就要將焦點移一點使近的景物都在景深範圍之內，如果唔能夠將無限遠的景物包括在內都冇問題，因為遠的景物在全景相內所見到的通常比較細小，唔夠sharp都唔會好覺，但近景一 out focus就即刻睇到。
拍攝時最好順著一個方向拍攝，留意兩張相片要有30%以上的重疊，最好在重疊位置上包含有容易辨識的景物，拼合時會方便一點，還有要注意會移動的物體，在重疊位置上出現有機會會有鬼影，又或者會在合併後出現多個分身(特別效果)。
拍攝後：
基本上如果Pivot Point Set得好，重疊位置有容易辨認的景物，Autostitch都可以好輕易的完成任務，但世事冇咁完美的，如果景物有樹出現又有風的話就會好大問題啦．．．
待續．．．
沒有留言:
張貼留言