20090322的晚餐

是晚又係家常便飯，整咗份雙菇炆鵝掌，由於食呢味餸的人個個都食豬，咁就好方便啦，食譜大致上跟江獻珠食譜六的煮法，不過個湯底就用上頭湯加貝仔及火腿濃縮一半而成，而起鑊用的油都用返鵝油來煮。

早一晚整好咗啲咖哩汁，牛肋條炆好晒，今日合併就食得啦。咖哩汁的整法大致上跟住Yanomi的煮法做，先用壓力煲將牛湯、薑、蔥及牛肋條煮好，汁液隔去油份之後就用來煮咖哩汁。炒好洋蔥、蒜泥及辣椒後，加入咖哩膏，再加入炆牛的汁液，煮好咖哩汁之後再加入牛肋條、炒香的紅蘿蔔、泰國茄子及香蕉煮，最後加入椰汁。趕住食，是但影，咖哩好難洗，唔用其他器皿裝啦，成煲上，紅色個啲係辣椒油，混合好之後係黃色的。(明晚再映過)

蒜泥魚露炒香烏筍。

新玩具當然繼續玩啦，今日仲有燒咗條鹹水鱔，用日式煮法去烹調。

加埋幾隻大貴妃蚌，都係用金蒜、鹽、胡椒、清酒加白干、香草及蔥粒。

最後加咗碗桂花、福果、蓮子、肇實、清心丸糖水。