20090317的晚餐

今晚食埋啲隔夜苦瓜，加咗碟用蕃茄、火腿粒、洋蔥絲及粟米粒炒蛋及清炒菜芯。

火腿扒先切大粒，洋蔥半隻切絲，粟米粒汆水去雪味，雞蛋四隻打散加少許鹽。

蕃茄醬汁用咗罐頭去皮長蕃茄、飲用的茄汁、沾醬用的茄汁、辣椒仔及糖去調。

先炒香粟米粒及火腿粒後盛起，再炒香洋蔥絲盛起，炒蛋至七成熟盛起，煮蕃茄醬，用鑊鏟將蕃茄肉略切開，煮熱後加入洋蔥絲、火腿粒及粟米粒，熱後加入炒蛋後熄火。冇切蔥粒，唯有加蕃茜碎。