20080323的早午餐

早日坐車見到馬頭涌道有檔食京滬食品的店舖,見佢咁多人幫襯,今日就走咗上去試下.

叫咗碗酸辣湯,欠咗啲啲酸味,但有碗仔翅風味......因為佢都有碗仔翅賣.

生煎牛肉飽,入面啲牛肉有梅菜,有點花椒的味道食到.

紅油抄手,點解得黑醋味的,上面加肉鬆都係第一次見.

最正常的鍋貼.

冇乜鹹味的鹹豆漿,啲料切得好大粒,出唔到味,咬落去就有味...可能啲炸菜切完攞咗去洗水...