今天下午返咗大埔食晏,之後就去咗大埔街市買餸,見到好多檔都有貴妃蚌賣,咁就買咗四隻返屋企,用紅椒絲,金蒜,陳皮絲及大頭菜絲蒸熟,再加熟油及蔥粒.
貴妃蚌連配料再加上粉絲及黑豆豉油一起吃就非常好食...
係大埔街市行行下見到三條小魚係個水盤中眼定定,個口就張合張合咁,研究咗一輪,應該係方脷,半斤一條,兩個人食剛剛好.用陳皮絲,火腿絲,蔥段加上冬菜茸蒸熟,再加熟油,蔥絲及黑豆豉油上枱.之前未食過咁細條的游水方脷,肉質鮮及滑溜,非常好食.
最後加多煲鮮螺肉,乾螺頭,淮山,烏雞湯.
都好耐冇整過全海鮮餐啦,蒸蒸蒸蒸到一頭煙...
我今晚都係煲急凍螺頭,乾螺頭加栗米紅蘿蔔瘦肉.
回覆刪除[版主回覆03/17/2008 00:23:00]今次個湯清到好似水咁,不過就好鮮甜.
好鬼好味 !
回覆刪除哇~~~ 好豐富喎...... 我都好耐好耐冇煮過「大餐」啦......
回覆刪除d 粉絲應該用淡鼓油浸住, 等d 味預先滲 d 入去, 咁樣應該會比食果時先至沾鼓油會好味得多, 而且用淡鼓油又唔會搶左海鮮的鮮味, 反而更能帶出其鮮味。
純屬個人意見咋... 嘻嘻~~~ 可能我跟外婆外公長大, 自細慣左「食鼓油」, 所以好多時都會諗到鼓油這個輔助角色~^^
[版主回覆03/20/2008 15:57:00]Thx, 下次試下先.