豬年年夜飯

終於有得食啦.

是日主角:紅燒沙婆翅.

呢個高湯係整咗無數次中最好的一次,原來uncle真係冇講錯,一斤濕翅六個人食真係稀咗少少.

要有蝦食就加隻凍蝦啦,當然又係配自製的TARTAR醬.

家常太史豆腐,味道非常好,係混合得唔係咁勻啫.

第一次整節瓜瑤柱甫,都係要返去睇阿媽點開個孔咁fit先.

天寒地凍加上係年夜飯,當然要食飯啦,食埋呢次剛好食完呢包米.

焗烏頭,好滑~~~

Bingo仔至愛.

第二次整的鳳城蠔鬆,今次食材數目就對啦,係蠔落少咗,同埋太多野做,食材大粒咗三份一咗右.

當然又要有雞食啦:豉油雞一隻,遺照一張,最後得返個頭同條頸.

高湯炒日本椰菜...

同場仲有火焰車厘子做甜品及原粒車厘子做飯後果的.

外父好耐之前攞咗罐藍山上來,次次上來都煮一大堆野,食完都冇時間煲,今次準備得好啲,其實係樣樣菜色都係之前做過,時間控制得好一點,就可以輕輕鬆鬆玩下啦.

嘆blue mountain都係要心情relax先可以品嚐到個味道...

不過其實我唔鍾意飲藍山的...都係個句,有就飲,要我叫同買就唔會啦.