20080228的晚餐

今晚又係食啲冇乜色彩的餸--雙冬麩炒雞肉,除了冬筍之外,其他都係雪櫃入面的剩餘物資.冬菇係之前整醬油冬菇時留下的,都有一段時間,要快啲清除咗佢,麩係上次煮齋用剩的,雞肉係昨晚的雞全翼中切出來.樣樣都唔係好多份量,加埋就剛好一碟.

竹筍出好水之後用油炸片刻,醃好的雞肉泡嫩油,冬菇加冬筍用甜麵醬,老抽,酒及上湯燜煮十多分鐘後再加入麩收汁,最後放入雞肉及蝦子拌勻後上碟.