今日天氣唔好,冇得去行山,忽然好想整返啲牛骨湯底,食完早餐就走去街市行一轉,點知依家連牛骨都加到嚇死人,要成廿蚊一斤
(上一次整都係九蚊斤
),搵到一檔賣十五蚊,都OK啦,點知又冇咁多
,於是走咗去大別佳睇下啦.見到佢包緊啲新鮮牛骨湯包,咁又問下佢剩牛骨點賣,十五蚊磅即係廿蚊斤啦.但係湯包就廿二個八一包
...三包加埋都有三公斤,但係又好多肉,於是又花咗半個鐘去起啲肉出來.
都有成磅重
啲骨就又用焗爐烤焦再加啲蔬菜再烤,之後就攞去煲啦.
好耐冇食鮮牛肉,因為今次啲肉真係好新鮮,加咗雞蛋,麵包糠,洋蔥,鹽,胡椒同荳蔻粉就整咗個日式漢堡扒.
再去樓下買包炸薯條做午餐啦
.
F
回覆刪除