年夜飯二

八両九錢沙婆翅發到一斤濕翅,可能個篩啲鋼水唔靚,啲翅有少少灰,下次都係要用尼龍篩啦.

減返個底蓋剛好一斤.

家常太史豆腐,今之用新鮮蝦,效果好好多,不過白痴唔記得年尾無必要唔好食鯪魚,如果唔係應承外父話食呢味,真係會叫個魚販放返條魚落水.

第一次做的豉油雞,做法依Christie的秘方,好成功,仲有隻雞真係好瘦,冇乜不必要的肥羔,貴啲都值得.

焗烏頭,用咗鹹檸,青檸,檸檬,酸梅,蔥,甜麵醬,味醂,玫瑰露,糖,鹽及胡椒粉.

一隻好靚的日本椰菜.