今晚繼續食返啲清淡野．本來打算入TKO打邊邊的，但又驚夜咗凍多凍就有排都唔好
，於是走咗去旺角買咗條游水東星啦．條魚都係偏細，但係兩個人太多又食唔晒，第二日食又冇咁好食，於是買咗條一斤多少少的．起咗兩片肉，始終個肚位起唔清
．
魚骨破開後浸冰水去清雜質後煎香，再加薑，大蔥，胡椒粒煲半小時就成為湯底啦．
魚肉雪凍後起雙飛，由於條魚仲係細，起片時都唔可以太薄．
個湯底之後再加入半隻靚皮蛋，餘下半隻未煮已經吃了
，豆腐，蒟蒻，筍片，皇帝菜．食完再加入飯，少量火腿茸及冬菇成為什煮．
今晚啲東星片好爽甜．個什煮都非常美味，多咗冬菇及火腿的香味，成個湯的味道完全改變晒．但最好食個樣原來係冬筍片，佢吸收晒所有精華入去，食落口有淡淡的鮮味，加上原身的爽脆甜，終於明白外省菜點解好多時都會加筍片入去煮啦．
沒有留言:
張貼留言