日本大根糕

話說年廿六整咗兩小底蘿蔔糕比外家，屋企個少少已經係年廿九食晒啦．於是去吉Ｘ島買咗兩條日本大根返來試玩下，兩條都差唔多五斤重，價錢就貴差唔多一倍，不過人工點都貴過料，冇所謂啦．

今次又試下分兩半做，上半就切大條，下半就刨絲，又係多咗少少出來，於是就煎咗佢來吃，要煎熟個少少蘿蔔糕都唔易，都要成十五分鐘先熟透，煎出來的就香，甜，軟．至於蒸個啲就因為加多咗啲湯落去，糕身比較軟身，由於有蘿蔔條的關係，有啲咬口，可能係日本大根本身比較甜，比本地的更可口．