今晚整咗味好多工序的餸--糯米釀雞全翼.話說過年前買咗批臘味返來,諗住用來蒸糕同煮糯米飯,點知蒸糕都用晒所有臘味
.
呢兩日天氣凍返啲,昨晚食咗部份梅菜扣肉,今晚唔想再食,但係冇臘味炒糯米飯又唔係咁好食,咁就轉整呢個菜色.糯米飯蒸好後加入爆好的蝦米粒,炸菜粒及冬菇粒,然後再釀入去骨的雞全翼內.今次唔再煎焗啦,試用油炸,效果幾好,肉質比較嫩口.
啲痰都係清唔晒,都要用返川貝燉鷓鴣來調理一下,先將鷓鴣起胸肉及腿肉切茸備用,骨架加瘦肉先燉清湯,隔出的湯水加入南北杏,陳皮,川貝及鷓鴣茸再燉而成.希望一次可以去清啲感冒尾啦.
去睇中醫會清得好 d 架 !
回覆刪除[版主回覆02/28/2008 08:27:00]飲咗好好多啦 .呢堆食材全部都係潤肺的,係調理呼吸系統毛病的食療.
師兄, 我流鼻血呀!!! 你整 d 野我食下 la!
回覆刪除[版主回覆02/28/2008 15:25:00]睇少啲兔女郎咪唔流囉
咁糯米釀雞全翼呢 d 就唔好食啦 ! 比我食就岩
回覆刪除[版主回覆02/28/2008 15:29:00]雞翼皮黑係因為用咗老抽醃才搶火,先用熱油浸熟隻雞翼再同大熱油迫返啲油出來,實際上又唔係好熱氣喎
oicic~
回覆刪除