又向TKO出發(冇相睇)

準備篇

一早起床要煮咗個肉醬先，今次個份量係以往幾次的一半，得一磅多少少肉，呢個已經係最少份量啦，比罐頭個份量限制咗，哎呀，枝辣椒粉仲係Christie度，入去再加工啦．當然係煮肉醬時候又係切切切啦，不過今次仲多咗啲功夫，就係拆蟹肉啦，買咗兩隻蟹返來，老婆係度慢慢玩，不過唔使驚，佢啲石冇咁細粒嘅

，跌咗一定睇到．跟住就係個海鮮Lasagne啦，第一次整Lasagne，搵咗好多書都冇講要幾厚，記得有一次整過啲乾嘅都幾厚，咁就調厚啲啦，點知結果係．．．厚咗，下次都係用2號或一號厚度啦．攪攪下又兩點幾啦，於是又坐小巴入TKO食晏，去到新都城，都搵唔到有乜好食，食咗碗麵就算啦，反正今晚都有好多嘢食，點知係間茶餐廳對面發現．．．聰嫂私房甜品，唔知入去食有冇折呢

．

去到Christie屋企，已經有三隻99出來啦，唔係歡迎我，係我啲食物啫

．雖然係Christie屋企煮過幾次，但係始終唔係自己用開個廚房，都係見一樣整一樣啦．．．

待續．．．又向TKO出發(煮食篇)

又再大飲大食 - 準備篇@Christie

又再大飲大食 - 再餐啦!!!@Christie

又 party 喇!!!@Kelly媽