落雨冇乜野做又係食

落雨天冇乜嘢做,咁又整嘢食啦,開咗間吉X島,買嘢都方便咗好多,加埋雪櫃啲存貸,又整咗一餐簡單的四人餐,唔係,係六人餐先啱.

早幾日食剩的青瓜,用兩種日本麵鼓開咗個醬醃大半天再切片,之後個醬又可以用來醃鱈魚,不過唔可以掉轉.

由於外父話要食乳鴒,咁急都唔知去邊度搵啲好少少的,咁又要係雪櫃攞啲存貨出來,頂級法國鵪鶉用中式醃法,不過時間太急,個味仲差少少,好左本身隻嘢夠肉味,唔係就浪費心機.

又係清存貨時間,啲乾草菇買咗都有一段時間,食剩少少又食埋佢啦,冬瓜加鮮乾草菇同用剩的鹹肉再加豬骨湯底就成為呢個湯.

上星期整個千層麵厚咗啲,今次再整厚度就fit啦,不過個白汁唔夠杰身,做闊麵就good fit啦.個餡都係鱈魚,蝦,松葉蟹腳,帶子,魷魚,蘑菇,洋蔥同最重要嘅煙肉,不過附近間意大利店買唔到靚煙肉,唯有用百X牌的煙肉啦.