石澳的天空

見Kelly媽去石澳玩得咁開心，於是又再入去行一圈啦

．

一"早"起身(都成十點鐘)，天黑同落雨，即時冇晒癮，上咗陣網，見天文台個雷達影像會"好天" ，應該係好多洞先啱，就即刻坐船過海去石澳．個啲洞就係咁嘅樣啦．

係筲箕灣吃完午飯後就坐車入石澳，一轉入石澳個天又開始黑，不過海灘上仍然有好多弄潮兒．

行咗去側邊的大石上吹咗陣海風，見啲雲越來越黑，好在唔係正面吹過來，係橫向赤柱方向，不過坐咗陣開始冇風同有幾滴水點．

跟往就行咗去石澳山仔，讀書個陣就經常入來睇星，但行完條路都唔認得啦，可能以前係夜晚先入來，一早就走，所以冇留意條路係點，不過仲認得呢個平台．

原來經常見到條藍橋就係下面．

橋下面有一個水池，好平靜．

上咗大頭洲個山之後可以望到清水灣．

個景都唔錯，不過冇風仲有猛太陽，好熱，於是就回程行返石澳村啦．

石澳山仔上啲屋都好有特色，顏色好鮮艷，希望啲拍友自律下啦．

呢架／舊係．．．

行行下開始風雲變色，起晒風，樹葉亂飛個種，今次真係落雨啦，收埋部相機出返路口，途中經過橙屋，不過冇再影啦，好大雨．吃一條雪條時間就落完雨啦，跟往就乘車回家．

More Photos