石崗軍營開放日之二

參觀軍營最好睇的節目又開始啦，今次又坐正頭位睇好戲。

一下強大的爆炸聲下開始表演。劇情都係有班恐怖份子手上有人質，要勞煩大兵出手。一方面用廣播叫賊人投降，另一方面從四方八面的進攻點部署好，一下爆破聲之下就槍林彈雨，賊人最後不敵，人質亦都安全救回。

今次不同之處係用上兩架直昇機。

一架先從附近的高點放低個士拉巴（映唔到）。

另一架就係草地，即面前放低一班士兵。

雖然身處一百米外，但係啲汽油味、草青味加上碎草比強風吹打到身上，簡直係身坐五D影院一樣．．．

雙輪著地。

先來一個。

走得快好世界．．．

真係好平直．．．

直昇機一起飛就進攻搵據點。

蜘蛛俠又出場，今次係壁虎功。

係士拉巴掩護之下，天台個賊比人打低咗。

清理好天台後，另一架直昇機就放人到天台。

 

集齊一枱麻將腳。

忽然有四架劈蔗佬入場，翻起晒草碎。

唔通車門都可以擋子彈

一聲爆門巨響之後，各方開始進攻。見火光都要差不多半秒先感受到個震波到達，所以距離應該少於一百七十米。

兩隻蜘蛛開始下降。

另外兩隻留位，其他人一擁而上。

留意左下方窗口的那一個人。

佢唔係跳窗入的，係上二樓。

 

賊人見勢色唔對．．．

賊人慌忙逃走，係二樓咁高跳咗落地面。

 

另一個就從地下的窗門跳出。

原來個幾個蜘蛛人係追擊逃犯的。

最後人質安全被帶走。

收隊，可以去食晏啦。

以上係路邊社戰地記者係現場的報導．．．

待續．．．