早日攞咗門票,今日一早就入咗昂船洲軍營。呢次亦都係第二次入海軍軍營參觀,第一次係廿年前去添馬艦啦,冇乜大印象,只係記得上咗存美軍補給艦,拿過枝好重的曲尺、有榴彈砲的M16及M60及係甲板行咗陣。

講開昂船洲,呢個對我來講係一個好神秘的島嶼。兒時坐渡輪由美孚、深水涉或大角嘴去中環都會近距離見到呢個島,經常都會見到有麻鷹係上空盤旋。之後由於坐巴士及地鐵比較方便,冇再坐船就冇再留意呢個島啦。回歸之後解放軍都會開放軍營的,但由於種種關係冇去攞票參觀。最近一次可以去到昂船洲的就係污水處理廠的開放日,但係又是時間不許可,結果又冇去到。
九點幾入到門口,人流比較少,但安檢比較嚴格。交通督導員都穿上警察用的反光衣。

見到五星旗當然要映返張啦。

由於時間尚早,未有表演開始,可以四維映相。好有特色的雕塑品。

有架直九係度。

裝甲車當然有份啦。

標語例必唔少得。

海軍船塢內都仲有其他艦艇停泊。

開放咗兩隻艦艇,但都係係甲板行一圈。



槍炮遠映就得,近攝就比人制止,不過好有禮貌。

導彈發射器,唔知入面有冇餡。

笑容充足,比劉華的廣告更甚。

好耐心的教小朋友使用,另外有些人拿機槍的姿勢唔對都會幫手繳正好先映相。

第一次見解放軍的憲兵。

入場有乾糧及水送,仲有一個首日封。


待續...
沒有留言:
張貼留言