20090526的晚餐

今晚一碟過，買咗一隻大苦瓜，一條斤十四的雪藏芝麻斑，返來起肉之後用咗三分二。裁好魚塊之後用鹽、胡椒粉、喼汁醃好，上薄粉後泡油至表面微硬，盛起去油，之後見有新油又將啲苦瓜略走油。用蒜泥及薑片起鑊，加入苦瓜，熱透後加入用豆豉、生抽、曬油、蠔油、黑豆豉油、砂糖、魚露、生粉、料酒及桂林辣椒醬拌好的醬汁，再將魚塊回鑊，收汁後盛起。

呢味係早日係翠華叫過的餸菜，不過佢個醬話用XO醬（唔覺）、豆豉及蠔油弄成，加冬菇（唔夾）及少許薑片來煮，個汁攪到古古怪怪，結果都係返來自己調個汁好味啲．．．

炒斑塊都係先泡油才好食，控制得好入面可以做到溏心的效果，苦瓜下次都係清炒個質感合口味啲。