20090517的晚餐

今日早上工作完順道落埋灣仔買凍肉，都好耐冇坐叮叮啦，二蚊搭幾個字吹下風都幾好玩。返到屋企都係十二點左右，之後出街食午飯，但係舊電池好似冇晒電咁，食飽就訓咗成個下午。

去到街市都係冇乜好買，買咗斤中花竹蝦返來整蕉葉糯米飯。

想買荷葉，但係唔覺有得賣，用蕉葉代替。

啲蝦先放入雪櫃，糯米浸水兩小時，隔水蒸熟，另外準備好瑤柱絲、冬菇絲、蝦乾及火腿絲，飯熟後拌入配料，之後用豉油、魚露、糖及麻油混合好，放上蕉葉，最後舖上去腸的蝦，加蒜泥蒸。

食時配上辣椒豉油。